ଓଡିଆ ବାର୍ତ୍ତା/ ସୁବର୍ଣ୍ଣପୁର (ରାଜ କିଶୋର ତ୍ରିପାଠୀ): ସୁବର୍ଣ୍ଣପୁର ଜିଲ୍ଲପାଳ ଡ. ନୃପରାଜ ସାହୁ ପରିବାର ସହିତ ସୋନପୁର ସହର ସ୍ଥିତ ଉତ୍କଳ ବାଳାଶ୍ରମ ଠାରେ ଅନ୍ତେବାସୀଙ୍କ ସହିତ ରାକ୍ଷୀ ପୂର୍ଣ୍ଣିମା ଉତ୍ସବ ପାଳନ କରିଛନ୍ତି। ବାଳାଶ୍ରମର ଅନ୍ତେବାସୀ ତଥା ଅନାଥ ଝିଅମାନେ ଜିଲ୍ଲାପାଳ ଓ ତାଙ୍କ ପୁଅଙ୍କୁ ରାକ୍ଷୀ ବାନ୍ଧିଥିବା ବେଳେ ଜିଲ୍ଲାପାଳଙ୍କ ଝିଅମାନେ ବାଳାଶ୍ରମର ଅନାଥ ପିଲାମାନଙ୍କୁ ରାକ୍ଷୀ ବାନ୍ଧିଥିଲେ ଓ ପରସ୍ପରଙ୍କୁ ମିଠା ଖୁଆଇଥିଲେ। ଏହି ଅବସରରେ ଜିଲ୍ଲାପାଳ ସମସ୍ତ ଅନ୍ତେବାସୀଙ୍କ ସହିତ କଥାବାର୍ତ୍ତା କରିବା ସହିତ ସେମାନଙ୍କ ସୁବିଧା ଓ ଅସୁବିଧା ବିଷୟରେ ପଚାରି ବୁଝିଥିଲେ। ବାଳଶ୍ରମର ଅନ୍ତେବାସୀ ମାନେ ଖୋଦ୍ ଜିଲ୍ଲାପାଳଙ୍କ ପରିବାର ସହିତ ମିଶି ରାକ୍ଷୀ ପୂର୍ଣ୍ଣିମା ଉତ୍ସବ ପାଳନ କରିଥିବାରୁ ବହୁତ ଖୁସି ବ୍ୟକ୍ତ କରୁଥିବା ଦେଖାଯାଇଥିଲା।
