ଓଡ଼ିଆ ବାର୍ତ୍ତା/ ଖଡ଼ିଆଳ: ଶନିବାର ଦିନ ଖଡ଼ିଆଳ ସ୍ୱୟଂଶାସିତ ମହାବିଦ୍ୟାଳୟର ଓଡ଼ିଆ ଭାଷା ଓ ସାହିତ୍ୟ ବିଭାଗ ତରଫରୁ ସ୍ଵଭାବ କବି ଗଙ୍ଗାଧର ମେହେରଙ୍କ ଜନ୍ମ ନୟନ୍ତୀ ମହାସମାରୋହରେ ପାଳିତ ହୋଇ ଯାଇଛି l ଉକ୍ତ କାର୍ଯ୍ୟକ୍ରମରେ ମହାବିଦ୍ୟାଳୟର ଅଧ୍ୟକ୍ଷ ଶ୍ରୀଯୁକ୍ତ ପ୍ରଶାନ୍ତ କୁମାର ପଣ୍ଡା ଅଧ୍ୟକ୍ଷତା କରିଥିବା ବେଳେ ମୁଖ୍ୟ ଅତିଥି ଭାବରେ ପ୍ରାକ୍ତନ ଅଧ୍ୟକ୍ଷ ମେଜର ଡ଼. ରାମଚନ୍ଦ୍ର ମିଶ୍ର, ମୁଖ୍ୟ ବକ୍ତା ଭାବରେ ଡ଼.ଶ୍ରୀକାନ୍ତ ବାରିକ, ସମ୍ମାନିତ ଅତିଥି ଭାବରେ ଯୁକ୍ତ ଦୁଇ ଅଧ୍ୟକ୍ଷ ଡ଼.ରଣବୀର ସିଂହ, ଛାତ୍ର କଲ୍ୟାଣ ଅଧିକାରୀ ଡ଼.ଗୀତାଶ୍ରୀ ପ୍ରିୟମ୍ବଦା ଗଙ୍ଗାଧର ସାହିତ୍ୟର ଗାରିମା, ତଥା ତାତ୍ତ୍ୱିକ ଦିଗ ବିଷୟରେ ଆଲୋଚନା କରଥିଲେ l ଏହା ବ୍ୟତୀତ ବିଭାଗୀୟ ମୁଖ୍ୟ ଡ଼.ସୁରଞ୍ଜନ ପ୍ରଧାନଙ୍କ ସଭା ପରିଚାଳନା କରିଥିବା ସମୟରେ ଅଧ୍ୟାପିକା ସଙ୍ଗୀତା ନେତମ ଅତିଥି ଆମନ୍ତ୍ରଣ, ଅଧ୍ୟାପିକା ସାଗରୀକା ପଣ୍ଡା ଅତିଥି ପରିଚୟ ପ୍ରଦାନ କରିଥିଲେ l କାର୍ଯ୍ୟକ୍ରମରେ ଅଧ୍ୟାପକ ହରିବନ୍ଧୁ ହଂସ, ଅଧ୍ୟାପକ ଡ଼. ମହାଦେବ ଭୋଇ ମଂଚାସୀନ ହୋଇଥିବା ବେଳେ ଛାତ୍ରୀଛାତ୍ରୀ ଗଙ୍ଗାଧର ମେହେର ଙ୍କ ରଚନା କୁ ନେଇ ସ୍ୱାଗତ ସଂଗୀତ ଗାନ କରିଥିଲେ l ଉକ୍ତ ଅବସରରେ ସ୍ଵଭାଵ କବି ଙ୍କ ରଚନାର ମୁଖ୍ୟ ଲକ୍ଷ୍ୟ ସମାଜରେ ସଂପର୍କ ର ପବିତ୍ରତା, ସଂଯମତା, କର୍ତ୍ତବ୍ୟ ,ପରସ୍ପର ପ୍ରତି ଦାୟିତ୍ୱ ବୋଲି ଆଲୋଚିତ ହୋଇଥିଲା । ସାରସ୍ଵତ ସାଧକ ଙ୍କ କୀର୍ତ୍ତି ଓ କୃତିତ୍ୱ କୁ ସଂମାନ ଜଣାଇ ଅଧ୍ୟକ୍ଷ ପ୍ରଶାନ୍ତ କୁମାର ପଣ୍ଡା ବିଭାଗୀୟ ତରଫରୁ ଗଙ୍ଗାଧର ମେହେର ସାହିତ୍ୟ ଆଲୋଚନା ଭିତ୍ତିକ ଜାତୀୟ ସେମିନାର କରିବା ପାଇଁ ପ୍ରତିଶ୍ରୁତି ଦେଇଥିଲେ । ସ୍ନାତକୋତ୍ତର ଛାତ୍ର ସୁବାସ ଚନ୍ଦ୍ର ବାଗ “ବିଶ୍ୱ ଜୀବନ ହେ ତୁମେ ତ କରୁଣା ସିନ୍ଧୁ ” ଉଦ୍ଯାପନି ସଙ୍ଗୀତ ଗାନ କରିଥିଲେ । ଉକ୍ତ କାର୍ଯ୍ୟକ୍ରମ ରେ ଅଧ୍ୟାପକ ଡ଼ ରାଜ କୁମାର ରତେ, ଅଧ୍ୟାପକ ଚୈତନ୍ୟ ମହାନ୍ତି, ଅଧ୍ୟାପିକା ରାଜେଶ୍ୱରୀ କରୁଁଆ, ଅଧ୍ୟାପିକା ତନୁଜା ସାହୁ ଙ୍କ ସମେତ ସମସ୍ତ ଅଧ୍ୟାପିକା, ଅଧ୍ୟାପକ ଯୋଗ ଦେଇଥିଲେ । ଶେଷରେ ଅଧ୍ୟାପକ ରମାକାନ୍ତ ସିଂହ ସାହାଣୀ ଧନ୍ୟବାଦ ଅର୍ପଣ କରିଥିଲେ l
