ଦିବଂଗତ ସାମ୍ବାଦିକ ମହମ୍ମଦ ଅସଲମଙ୍କ ଚତୁର୍ଥ ସ୍ମୃତି ସମାରୋହ
ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ଦିବଂଗତ ସାମ୍ବାଦିକ ମହମ୍ମଦ ଅସଲମଙ୍କ ଚତୁର୍ଥ ସ୍ମୃତି ସମାରୋହ ଭବାନୀପାଟଣା ସ୍ଥିତ ଅମଲା ଭବନ ଠାରେ ଅନୁଷ୍ଠିତ ହୋଇଯାଇଛି। ସ୍ବର୍ଗତ ଯୁବ ସାମ୍ବାଦିକ ମହମ୍ମଦ ଅସଲମଙ୍କ ଫଟୋଚିତ୍ରରେ ପୁଷ୍ପ ଅର୍ପଣ ଏବଂ ଦୀପ ଜାଳିବା ପରେ ମୌଲାନା ଇର୍ଫାନ୍ ଶାନ୍ତି ପ୍ରାର୍ଥନା ଏବଂ କଣ୍ଠଶିଳ୍ପୀ ଜଗନ୍ନାଥ ତ୍ରିପାଠୀ ଭଜନ ପରିବେଷଣ କରିଥିଲେ। ପରେ ସ୍ମୃତିସଭା ଆରମ୍ଭ ହେଇଥିଲା। ମହମ୍ମଦ ଅସଲମ ସ୍ମୃତି କମିଟି ତରଫରୁ ଆୟୋଜିତ ଏହି ଶ୍ରଦ୍ଧାଞ୍ଜଳୀ ସଭାରେ ମୁଖ୍ୟ ଅତିଥି ଭାବରେ ମାଁ ମାଣିକେଶ୍ଵରୀ ବିଶ୍ବବିଦ୍ୟାଳୟର କୁଳପତି ଡଃ ନିବେଦିତା ନାଥ ଯୋଗଦେଇ ସାମ୍ବାଦିକ ମାନେ ଲୋକଙ୍କ ଶାଣିତ ସ୍ୱର ହୁଅନ୍ତୁ ବୋଲି ମତ ଦେଇଥିଲେ। ଏହି କାର୍ଯ୍ୟକ୍ରମରେ ସମ୍ମାନୀତ ଅତିଥି ଭାବରେ ଅତିରିକ୍ତ ଜିଲ୍ଲାପାଳ ତନ୍ମୟ କୁମାର ଦରଓ୍ବାନ, ବରିଷ୍ଠ ସାମ୍ବାଦିକ ଭକ୍ତ ତ୍ରିପାଠୀ, ମୁଖ୍ୟ ବକ୍ତା ଭାବେ ବିଶିଷ୍ଟ ସାହିତ୍ୟିକ ଓ ଓଟିଭିର ସହ ସମ୍ପାଦକ ଅମରେଶ ବିଶ୍ବାଳ ପ୍ରମୁଖ ଯୋଗଦେଇଥିଲେ। ସ୍ବର୍ଗତ ସାମ୍ବାଦିକ ମହମ୍ମଦ ଅସଲମ୍ ଦୀର୍ଘ ଏକ ଦଶନ୍ଧି ଧରି ସାମ୍ବାଦିକତା କ୍ଷେତ୍ରରେ ନିଜର ପରିପକ୍ବତା ଓ ଦକ୍ଷତା ପାଇଁ ଅନେକ ଗରିବ ଓ ନିଷ୍ପେସିତ ଲୋକଙ୍କ ସମସ୍ୟା ଓ ଦୁଃଖକୁ ଖବର ମାଧ୍ୟମରେ ପରିବେଷଣ କରି ସରକାରଙ୍କୁ ସମାଧାନ କରିବା ପାଇଁ ଚାପ ସୃଷ୍ଟି କରୁଥିଲେ। ଧାଡ଼ିରେ ଥିବା ଶେଷ ବ୍ୟକ୍ତି ପାଇଁ ଲଢେଇ କରିବା ସହ ନିଚ୍ଛକ ସତ୍ୟକୁ ଲୋକଙ୍କ ସମ୍ମୁଖରେ ଆଣିବା ହିଁ ତାଙ୍କୁ ଭିନ୍ନ ଏକ ପରିଚୟ ଦେଇଥିଲା। ଆଜି ତାଙ୍କ ଅବର୍ତମାନରେ ତାଙ୍କ ଚତୁର୍ଥ ଶ୍ରଦ୍ଧାଞ୍ଜଳି ସଭାରେ ଅନେକ ବିଶିଷ୍ଟ ବ୍ୟକ୍ତି ଯୋଗଦେଇ ତାଙ୍କର ସ୍ମୃତି ଚାରଣ କରିଥିଲେ। ଏହି ଅବସରରେ ମହମ୍ମଦ ଅସଲମ୍ ସ୍ମୃତି କମିଟି ପକ୍ଷରୁ ମହମ୍ମଦ ଅସଲମ୍ ସାମ୍ବାଦିକ ସମ୍ମାନ ଶତରୂପା ସାମନ୍ତରାୟଙ୍କୁ ପ୍ରଦାନ କରଯାଇଥିବା ବେଳେ ସମାଜସେବା କ୍ଷେତ୍ରରେ ମୋହିତ କୁମାର ସା ଏବଂ ମେଧାବୀ ସମ୍ମାନ ଭାବରେ ପ୍ରଗତି କଲେଜର ଛାତ୍ର ସ୍ବାଗତ ବିଶ୍ଵାଳଙ୍କୁ ସମ୍ମାନିତ କରାଯାଇଥିଲା। ସେହିପରି ଚଳିତ ବର୍ଷ ଆନ୍ତଃ ମହାବିଦ୍ୟାଳୟ ସ୍ତରୀୟ ବକ୍ତୃତା ପ୍ରତିଯୋଗିତାରେ ଉତ୍ତୀର୍ଣ୍ଣ ହୋଇଥିବା ଛାତ୍ରଛାତ୍ରୀ ମାନଙ୍କୁ ପୁରସ୍କୃତ କରାଯାଇଥିଲା। କମିଟି ଅଧ୍ୟକ୍ଷ ବିଜୟ ସାହୁଙ୍କ ଅଧ୍ୟକ୍ଷତାରେ ହୋଇଥିବା ଏହି ସ୍ମୃତି ସଭାକୁ ବରିଷ୍ଠ ସାମ୍ବାଦିକ ସତ୍ୟନାରାୟଣ ମହାପାତ୍ର ଓ ଯୁବ ନେତା ଅବିନାଶ ଠାକୁର ମଞ୍ଚ ପରିଚାଳନା କରିଥିବା ବେଳେ ନୟନ ଦାଶ ଧନ୍ୟବାଦ ଅର୍ପଣ କରିଥିଲେ। ଏହି କାର୍ଯ୍ୟକ୍ରମକୁ ସ୍ମୃତି କମିଟି ସମ୍ପାଦକ ଅଜିତ ସିଂ, ସାମ୍ବାଦିକ ବିକାଶ ଷଡ଼ଙ୍ଗୀ, ଶୁଭମ ରୋହିଲା, ଦୁଃଖିଶ୍ୟାମ ପ୍ରଧାନ, ମନମୋହନ ପ୍ରଧାନ, ମହମ୍ମଦ ଅଲ୍ଲୀ, ତାପସ ମହାନ୍ତି, ଅମରେଶ ପାଢ଼ୀ, ଅମିୟ ସାହୁ, ଇଙ୍ଗିତ ପଣ୍ଡା, ଅଂଶୁମାନ ପାତ୍ର, ଉମେଶ ଦୁରିଆ, ସୁଶୀଲ ବାଗ, ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ହଳଧର ନୀଆଲ୍, ଗୋଲାମୁଣ୍ଡା ବ୍ଲକ ଅଧ୍ୟକ୍ଷା ବିନ୍ଦୁ ମହାନନ୍ଦଙ୍କ ସହ କମିଟି ସଦସ୍ୟ ନରେଶ ଚୌଧୁରୀ, ରାଜେଶ ଦୀପ, ଦିବ୍ୟ ମହାପାତ୍ର, ପଙ୍କଜ ମହାରଣା ଓ ଚିନି କ୍ରିଷ୍ଣା ଅଚାରୀ ପ୍ରମୁଖ ସହଯୋଗ କରିଥିଲେ।
