କେସିଙ୍ଗା,୬/୯ : କଳାହାଣ୍ଡି ଜିଲ୍ଲା କେସିଙ୍ଗା ବ୍ଲକ ଅଧିନସ୍ଥ ବେଲଖଣ୍ଡି ଗାଁର ଖଗେଶ୍ବର ବାଗଙ୍କ ପତ୍ନୀ ଓ ଝିଅ ସାପ କାମୁଡା ଯୋଗୁଁ ମୃତ୍ୟୁ ମୁଖରେ ପଡିଛନ୍ତି । ବୁଧବାର ନୁଆଁଖାଇ ବାସି ଦିନ ସନ୍ଧ୍ୟାରେ ଘରେ ଶୋଇ ଥିବା ସମୟରେ ମା’ ଝିଅ ଦୁହିଁଙ୍କୁ ଏକ ବିଷାକ୍ତ ସାପ କାମୁଡି ଥିଲା । ସେହି ଦିନ ସନ୍ଧ୍ୟା ସମୟରେହିଁ ଆମ୍ବୁଲାନ୍ସ ଯୋଗେ ଡାକ୍ତରଖାନାକୁ ନେଉଥିବା ସମୟରେ ପ୍ରାୟ ଅଧଘଣ୍ଟା ଧରି କେସିଙ୍ଗା ରେଳ ଫାଟକ ପଡିଥିବା ହେତୁ ସେଇଠି ଝିଅର ମୃତ୍ୟୁ ଘଟିଥିବା ଖଗେଶ୍ବର ଅଭିଯୋଗ କରିଛନ୍ତି । ପରେ ଗୁରୁବାର ଦିନ ଖଗେଶ୍ବରଙ୍କ ପତ୍ନୀଙ୍କର ମଧ୍ୟ୍ୟ ମୃତ୍ୟୁ ଘଟିଥିଲା । ଏହି ଘଟଣା ଯୋଗୁଁ ଅଞ୍ଚଳରେ ଶୋକର ଛାୟା ଖେଳିଯିବା ସହ ଭୟର ବାତାବରଣ ଦେଖିବାକୁ ମିଳିଛି ।