ଲାଞ୍ଜିଗଡ,୩/୧୦ : କଳାହାଣ୍ଡି ଜିଲ୍ଲା ଲାଞ୍ଜିଗଡ ସ୍ଥିତ ରାଜାପଡ଼ା ପ୍ରାଥମିକ ବିଦ୍ୟାଳୟରେ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି। ବିଦ୍ୟାଳୟର ପ୍ରଧାନ ଶିକ୍ଷକ କାର୍ତ୍ତିକ ମାଝୀଙ୍କ ନେତୃତ୍ବରେ ଆୟୋଜିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବିଦ୍ୟାଳୟ ପରିଚାଳନା କମିଟି ଅଧ୍ୟକ୍ଷା ସୁନିତା ଚନ୍ଦନ,
ଲାଞ୍ଜିଗଡ ବ୍ଲକ ସମ୍ବାଦ ପ୍ରତିନିଧି କ୍ଷମାନିଧି ମହାଖୁଡ଼, ଉପ ସଭାନେତ୍ରୀ ସନ୍ତୋସିନୀ ମଲ୍ଲିକ, ସହକାରୀ ଶିକ୍ଷକ ଚରଣ ବେହେରା ସମ୍ମାନିତ ଅତିଥିଭାବେ ଯୋଗଦେଇ ଥିଲେ। ବିଦ୍ୟାଳୟ ପରିଚାଳନା କମିଟି ଅଧ୍ୟକ୍ଷା ଶ୍ରୀମତୀ ଚନ୍ଦନ ଓ ଅତିଥିମାନେ ସ୍କୁଲରେ ପୂଜାର୍ଚ୍ଚନା କରି ବୃକ୍ଷରୋପଣ କରିଥିଲେ।
ଅତିଥି ଓ ସମସ୍ତ ଛାତ୍ରଛାତ୍ରୀ ସ୍କୁଲ ପରିସରରେ ୫୦ ରୁ ଉର୍ଦ୍ଧ କଦମ୍ବ, ଆକାଶୀ, କୃଷ୍ଣଚୁଡା, କାଜୁ, କରଞ୍ଜ, ଦେବଦାରୁ, ଅଁଳା, ଅମୃତ ଭଣ୍ଡା, ଡାଲିମ୍ବ ଆଦି ଚାରା ରୋପଣ କରିଥିଲେ। ସମ୍ବାଦ ପ୍ରତିନିଧି କ୍ଷମାନିଧି ମହାଖୁଡ଼ ସ୍ୱାଗତ ଭାଷଣ ଦେଇ କାର୍ଯ୍ୟକ୍ରମ ପରିଚାଳନା କରିଥିଲେ।
ଏହି ଅବସରରେ ସ୍କୁଲ କମିଟିର ସଭ୍ୟା/ସଭ୍ୟ ଜନନୀ ଗଉଡ଼, ମଧୁସୂଦନ ସିଂ, ସଂଯୁକ୍ତା ପାତ୍ର, ସୁଜାତା ଡଣ୍ଡସେନା, ସଂଯୁକ୍ତା ସିଂ, ଦୁଖୁ ମାଝୀ ପ୍ରମୁଖ ଉପସ୍ଥିତ ରହି ବୃକ୍ଷ ରୋପଣ କରିଥିଲେ।