୭୨ ଘଣ୍ଟା କଣ୍ଟେନମେଣ୍ଟ ଜୋନ ଘୋଷଣା କଲେ ସରପଞ୍ଚ

ଲାଞ୍ଜିଗଡ,୨୦/୮: କଳାହାଣ୍ଡି ଜିଲ୍ଲା ଲାଞ୍ଜିଗଡ ବ୍ଲକ ଛତ୍ରପୁର ପଞ୍ଚାୟତର ରଘୁନାଥପୁର ଗ୍ରାମକୁ ୩ ଦିନ ପାଇଁ କଣ୍ଟେନମେଣ୍ଟ ଜୋନ ଭାବେ ଘୋଷଣା କରିଛନ୍ତି ସରପଞ୍ଚ ରାଜୀବ ମାଝୀ। ମଙ୍ଗଳବାର ଗ୍ରାମରେ ୬ କରୋନା ପଜିଟିଭ୍ ଚିହ୍ନଟ ପରେ ଏହି ପଦକ୍ଷେପ ନିଆ ଯାଇଛି। ଏହି ଗ୍ରାମର ୩ ଦିନ ପାଇଁ ଯେ କୌଣସି ବ୍ୟକ୍ତି ଅନ୍ୟ ଗ୍ରାମକୁ ଯାଇପାରିବେ ନାହିଁ, ଏବଂ ଅନ୍ୟ ଗ୍ରାମର ବ୍ୟକ୍ତି ବିଶେଷ ଏହି ଗ୍ରାମକୁ ପ୍ରବେଶ କରିପାରିବେ ନାହିଁ ବୋଲି ଛତ୍ରପୁର ପଞ୍ଚାୟତ ପକ୍ଷରୁ ଜାରି ପତ୍ର ସଂଖ୍ୟା-୩୩ ତା: ୧୯/୦୮/୨୦୨୦ ରିଖରେ ଉଲ୍ଲେଖ ରହିଛି। ବୁଧବାର ସକାଳ ୬ ଘଣ୍ଟା ଠାରୁ ଶନିବାର ସକାଳ ୬ ଘଣ୍ଟା ପର୍ଯ୍ୟନ୍ତ କଣ୍ଟେନମେଣ୍ଟ ଜୋନ ଘୋଷଣା କରାଯାଇଛି। କେବଳ ସ୍ୱାସ୍ଥ୍ୟ ସମନ୍ଧିୟ ସେବା ଏହି ବନ୍ଦରୁ ବାଦ ଦିଆଯାଇଛି। ଏହା ସହ ମାଜିଷ୍ଟ୍ରେଟ ଦାଇତ୍ୱରେ ଥିବା ତହସିଲଦାର ମୁନିନ୍ଦ୍ର ହୁନାଙ୍ଗା ପଞ୍ଚାୟତବାସୀଙ୍କୁ ପାଳନ କରିବାକୁ ନିର୍ଦ୍ଧେଶ ଦେଇଛନ୍ତି।