ଓଡ଼ିଆ ବାର୍ତ୍ତା/ ବଲାଙ୍ଗୀର (ପ୍ରମୋଦ ସେଲମା): ବଲାଙ୍ଗିର ଜିଲ୍ଲା ସଇଁତଲା ସ୍ଥିତ କନ୍ୟା ଆଶ୍ରମ (ଏସଏସଡି )ବାଳିକା ଉଚ୍ଚ ବିଦ୍ୟାଳୟ ପରିସରରେ ବିଦ୍ୟାଳୟର ପ୍ରଧାନଶିକ୍ଷୟତ୍ରୀ ନିବେଦିତା ହୋତା ଙ୍କ ଅଧ୍ୟକ୍ଷତାରେ ବାର୍ଷିକ ଉତ୍ସବ ଧୁମଧାମ ସହ ପାଳନ ହୋଇଯାଇଛି | ମୁଖ୍ୟଅତିଥି ଭାବେ ପ୍ରଫେସର ସଂଜୀବ କୁମାର ତ୍ରିପାଠୀ ଦୀପ ପ୍ରଜ୍ଜଳନ କରି ଉତ୍ସବକୁ ଆନୁଷ୍ଠାନିକ ଭାବେ ଉଦଘାଟନ କରିଥିଲେ l ବୈଠକରେ ମୁଖ୍ୟବକ୍ତା ଭାବରେ ଡେପୁଟି ମେନେଜର ଆରବିଆଇ ଦେବରାଜ ମେହେର, ସମ୍ମାନିତ ଅତିଥି ଭାବରେ ଖଗେଶ୍ୱର ରଣା ଓ ଅତିରିକ୍ତ ଜିଲ୍ଲା ମଙ୍ଗଳ ଅଧିକାରୀ ଆକାଶ ପଣ୍ଡା ପ୍ରମୁଖ ମଞ୍ଚାସୀନ ହୋଇ ବିଦ୍ୟାଳୟର ଉନ୍ନତି ସାଙ୍ଗକୁ ଛାତ୍ରୀମାନଙ୍କ ଭବିଷ୍ୟତ ଉପରେ କାମନା କରିଥିଲେ l ପରେ ବିଦ୍ୟାଳୟର ସଙ୍ଗୀତ ଶିକ୍ଷୟତ୍ରୀ କଳ୍ପନା ପାଣିଗ୍ରାହୀ ଙ୍କ ତତ୍ତ୍ୱବଧାନରେ ଛାତ୍ରୀମାନଙ୍କ ଦ୍ୱାରା ମା ସରସ୍ବତୀ ଙ୍କ ସଂଗୀତ ପରିବେଷଣ ହୋଇଥିଲା | ଉକ୍ତ ସଭାକୁ ଶିକ୍ଷୟତ୍ରୀ ବିଦ୍ୟୁତଲତା ଦେଇ ମଞ୍ଚକୁ ପରିଚାଳନା କରିଥିଲେ l ଏହାର ପୁରସ୍କାର ବିତରଣ ଉତ୍ସବରେ ଶିକ୍ଷୟତ୍ରୀ ସଂଗୀତା ରଥ ଓ ସନ୍ଧ୍ୟାରାଣୀ ଗହୀର ଙ୍କ ତତ୍ତ୍ୱବଧାନରେ ଅତିଥିମାନେ କୃତି ଛାତ୍ରୀମାନଙ୍କୁ ପୁରସ୍କାର ପ୍ରଦାନ କରିଥିବା ବେଳେ ଶିକ୍ଷୟତ୍ରୀ ଜୟନ୍ତୀ ସାହୁ ଓ ବିଜୟଲକ୍ଷ୍ମୀ ଦାସ ଙ୍କ ତତ୍ତ୍ୱବଧାନରେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ଅନୁଷ୍ଠିତ ହୋଇଥିଲା l ଏଥିରେ ସମ୍ବଲପୁରୀ , ଆଦିବାସୀ ନୃତ୍ୟ ବେଶ ଆକର୍ଷଣୀୟ ରହିଥିବାରୁ ଲୋକମାନଙ୍କ ମନମୋହିଲା l ଏହି କାର୍ଯ୍ୟକ୍ରମକୁ ଶିକ୍ଷୟତ୍ରୀ ପ୍ରତ୍ୟାସିନୀ ବାଗ, ସୁହାସିନି ମିଶ୍ର, ଅର୍ଣ୍ଣପୂର୍ଣ୍ଣା ମାଝୀ , ଗଗନ ବେହେରା, କଳ୍ପନା ରାଉଳ, ସ୍ଵାଗତିକା ଶତପଥି, ପଦ୍ମାଳୟା ପାତ୍ର ପ୍ରମୁଖ ପରିଚାଳନାରେ ଉପସ୍ଥିତ ରହି ସହଯୋଗ କରିଥିଲେ | ଶେଷରେ ଶିକ୍ଷୟତ୍ରୀ ଶ୍ରୀଲତା ମିଶ୍ର ଧନ୍ୟବାଦ ଅର୍ପଣ କରିଥିଲେ |
