ଓଡ଼ିଆ ବାର୍ତ୍ତା/ ରାୟଗଡା (ଶିବ ନାରାୟଣ ଗୈାଡ): ରାୟଗଡା ଜିଲ୍ଳାର ଏକ ନିର୍ଦ୍ଦିଷ୍ଟ ବୈଦୁତିକ ଗଣମାଧ୍ୟମର ଜିଲ୍ଳା ପ୍ରତିନିଧି ଗଜମୋହନ ଗରଡିଆଙ୍କ ଗତ ଗୁରୁବାର ଦିନ ଜାନୁଆରୀ ୧୮ତାରିଖରେ ଅକାଳ ବିୟୋଗ ହୋଇଥିଲା । କଲ୍ୟାଣସିଂଙ୍ଗପୁରରେ ଥିବା ସ୍ୱର୍ଗତ ସାମ୍ବାଦିକ ଗଜମୋହନଙ୍କ ବାସଭବନରେ ଶୋକ ସନ୍ତପ ପରିବାରଙ୍କୁ ଭେଟି ସମବେଦନା ଜଣାଇଛନ୍ତି ରାୟଗଡା ବିଜୁ ଜନତା ଦଳର ବରିଷ୍ଠ ସଂଗଠକ ୟାଲ୍ଳା ଭେଙ୍କେଟେଶ୍ୱର ରାଓ ଓରଫ କୋଣ୍ଡାବାବୁ । ଆରପାରିରେ ଥିବା ସ୍ୱଗର୍ତ ଗଜମୋହନଙ୍କ ଅମର ଆତ୍ମାର ସଦ୍ଗତି କାମନା କରିବା ସହିତ ପରିବାର ସଦସ୍ୟଙ୍କୁ ଦୁଃଖଦ ଘଡିରେ ଧର୍ଯ୍ୟ ଧରି ରହିବାକୁ ସାହାସ ଦେଇଥିଲେ । ଏଥିସହ ଦିବଙ୍ଗତ ସାମ୍ବାଦିକଙ୍କ ପରିବାରକୁ ଆର୍ଥିକ ସହାୟତା ପ୍ରଦାନ କରିଥିଲେ । କୋଣ୍ଡାବାବୁଙ୍କ ସମେତ ବରିଷ୍ଠ ଆଇନଜୀବି ବିରଜା ପାତ୍ର,ଯୁବ ବିଜେଡିର ଜିଲ୍ଳା ସଂପାଦକ କେ.ଶ୍ରୀନିବାସ, ମୋହନ ବିଡିକା, ସୁଧାକର କରକରିଆ, ନାମଦେବ ମାଣ୍ଡାଙ୍ଗିଙ୍କ ସମେତ ଅନ୍ୟମାନେ ମଧ୍ୟ ଉପସ୍ଥିତ ରହି ସମବେଦନା ଜଣାଇଥିଲେ ।
