ଓଡ଼ିଆ ବାର୍ତ୍ତା/ ଜୁନାଗଡ଼ (ସ୍ବାସ୍ତିଦୀପ ଆଦିତ୍ୟ): ଜୁନାଗଡ ବ୍ଲକ କାଳିଆକୁଣ୍ଡଳ ଗ୍ରାମ ପଞ୍ଚାୟତ ସ୍ଥିତ କେଲିଆ ଜଙ୍ଗଲ ବାବା ଅନନ୍ତ ହରି ହର ସେବାଶ୍ରମ ମୁଣ୍ଡିଗୁଡାରେ ବାବା ଶରଣଦ ମହାରାଜ ଓ ବ୍ୟାସ ପ୍ରଦିପ୍ତ ତ୍ରିପାଠୀଙ୍କ ଦ୍ୱାରା ଗୋଟିଏ ମାସ ଧରି ଚାଲୁଥିବା ବିଶ୍ଵଶାନ୍ତି ମହାଭାରତ ମହାଯଜ୍ଞ ଆଜି ୨୫ଦିନରେ ପହଂଚିଛି। ପ୍ରତିଦିନ ହଜାର ହଜାର ଶ୍ରଦ୍ଧାଳୁ ମହାଭାରତରେ ଯୋଗ ଦେଇ ସକାଳ ୬ ରୁ ସନ୍ଧ୍ୟା ୫ଘଣ୍ଟା ପର୍ଯ୍ୟନ୍ତ ମହାପୁରାଣ ଶୁଣିବା ସହ ପ୍ରସାଦ ସେବନ କରୁଛନ୍ତି। ଏଠାରେ ମୁଖ୍ୟ କର୍ତ୍ତା ଭାବେ ସୁଜ୍ଞାନ ରଞ୍ଜନ ବାବୁ ଓ ତାଙ୍କ ଧର୍ମ ପତ୍ନୀ ପଲ୍ଲବି ବାବୁ ଦାଇତ୍ୱ ନିର୍ବାହ କରୁଛନ୍ତି। ପ୍ରଚଣ୍ତ ଖରାକୁ ଦୃଷ୍ଟିରେ ରଖି ମୁଣ୍ଡିଗୁଡା ଗୌନ୍ତିଆ ପଡ଼ା ପକ୍ଷରୁ ଆଜି ଦହି ସର୍ବତ ବଣ୍ଟନ କରାଯାଇଛି। ଶହ ଶହ ଶ୍ରଦ୍ଧାଳୁ ଓ ଭକ୍ତ ଦହି ସର୍ବତ ପାନ କରିଥିଲେ।
