ଓଡ଼ିଆ ବାର୍ତ୍ତା/ ୱାଶିଂଟନ୍: ଆମେରିକାର ରାଷ୍ଟ୍ରପତିଙ୍କ ସରକାରୀ ବାସଭବନ ତଥା କାର୍ଯ୍ୟାଳୟ ହ୍ୱାଇଟ ହାଉସ୍ ଭାରତର ଲୋକଙ୍କୁ ପ୍ରଶଂସା କରିବା ସହ ଶୁକ୍ରବାର ଦିନ କହିଛି ଯେ ବିଶ୍ୱରେ ଭାରତ ଭଳି ଜୀବନ୍ତ ଗଣତାନ୍ତ୍ରିକ ରାଷ୍ଟ୍ର ବହୁତ କମ୍। ହ୍ୱାଇଟ ହାଉସର ଜାତୀୟ ସୁରକ୍ଷା ଯୋଗାଯୋଗ ପରାମର୍ଶଦାତା ଜନ କିର୍ବି ୱାଶିଂଟନରେ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ ଦୁନିଆରେ ଏପରି ଅନେକ ଦେଶ ନାହିଁ ଯାହାର ଭାରତ ଅପେକ୍ଷା ଅଧିକ ଗଣତନ୍ତ୍ର ରହିଛି। ଆମେ ସେମାନଙ୍କର ମତାଧିକର ବ୍ୟବହାର କରି ଏବଂ ସେମାନଙ୍କ ସରକାର ଚୟନ କରିଥିବାରୁ ଆମେ ଭାରତର ଲୋକଙ୍କୁ ପ୍ରଶଂସା କରୁଛୁ। ଆମେ ତାଙ୍କୁ ଶୁଭେଚ୍ଛା ଜଣାଉଛୁ। ଭାରତରେ ଚାଲିଥିବା ସାଧାରଣ ନିର୍ବାଚନ ବିଷୟରେ କିର୍ବିଙ୍କୁ ପଚରାଯାଇଥିଲା ଯେଉଁଥିରେ ୯୬୯ ନିୟୁତରୁ ଅଧିକ ଲୋକ ପଞ୍ଜୀକୃତ ରାଜନୈତିକ ଦଳର ପ୍ରତିନିଧିତ୍ୱ କରୁଥିବା ହଜାର ହଜାର ପ୍ରାର୍ଥୀଙ୍କ ମଧ୍ୟରୁ ୫୪୫ ସାଂସଦ ଚୟନ କରିବାକୁ ୧୦ ଲକ୍ଷ ମତଦାନ କେନ୍ଦ୍ରରେ ସେମାନଙ୍କ ମତାଧିକର୍ ପକାଇବାକୁ ଆଶା କରାଯାଉଛି। ଅନ୍ୟ ଏକ ପ୍ରଶ୍ନର ଉତ୍ତରରେ ସେ କହିଛନ୍ତି ଯେ ଆମେରିକାର ରାଷ୍ଟ୍ରପତି ଜୋ ବାଇଡେନଙ୍କ ଶାସନର ଗତ ତିନିବର୍ଷ ମଧ୍ୟରେ ବିଶେଷ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ କାର୍ଯ୍ୟକାଳ ମଧ୍ୟରେ ଭାରତ ଏବଂ ଆମେରିକା ମଧ୍ୟରେ ସମ୍ପର୍କ ମଜବୁତ ହୋଇଛି।
