ଓଡ଼ିଆ ବାର୍ତ୍ତା/ କଳାହାଣ୍ଡି (ନବୀନ କିଶୋର ସାହୁ): କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକର ୧୨ ଟି ପଞ୍ଚାୟତକୁ ନେଇ କେନ୍ଦ୍ର ଓ ରାଜ୍ୟ ସରକାରଙ୍କ ନିର୍ଦ୍ଦେଶ କ୍ରମେ ବିଜେପି ଯୁବ ମୋର୍ଚ୍ଚା ପକ୍ଷରୁ ‘ଘରେ ଘରେ ତ୍ରିରଙ୍ଗା’ ମହା ଉଲ୍ଲାସ ଉଦ୍ଦୀପନା ସହ ପାଳିତ ହୋଇଯାଇଛି। ଭାଜପା ଯୋରାଡଵରା ମଣ୍ଡଳ ଯୁବମୋର୍ଚ୍ଚା ସଭାପତି ନବୀନ କିଶୋର ସାହୁଙ୍କ ନେତୃତ୍ୱରେ ଏନେଇ ଏକ ତ୍ରିରଙ୍ଗା ଯାତ୍ରା ଆରମ୍ଭ ହୋଇ ଯୋରାଡଵରା ଠାରୁ କର୍ଲାମୁଣ୍ଡା ଓ କର୍ଲାମୁଣ୍ଡା ମଣ୍ଡଳ ସଭାପତି ସଂଜୟ ଜୈନଙ୍କ ତତ୍ତ୍ଵାବଧାନରେ ରିଷିଡା ଠାରୁ କର୍ଲାମୁଣ୍ଡା ତାରିଣୀ ମନ୍ଦିର ପର୍ଯ୍ୟନ୍ତ ଏହି ଯାତ୍ରା ସମାପ୍ତ ହୋଇଥିଲା। ଏହି ଶୋଭାଯାତ୍ରାରେ ଯୋରାଡବରା ମଣ୍ଡଳ ସଭାପତି ଦଶରଥ ସାହୁ, ଭାଜପା ରାଜ୍ୟ କାର୍ଯ୍ୟକାରିଣୀ ସଦସ୍ୟ ତଥା ପୂର୍ବତନ ଜିଲ୍ଲା ପରିଷଦ ଅଧ୍ୟକ୍ଷା ନମିତା ରାଣୀ ସାହୁ, ଏସସି ମୋର୍ଚ୍ଚା ଜିଲ୍ଲା ସଭାପତି ଗଣେଶ କୁମାର, ଡୋଲାମଣୀ ଭୋଇ, ପୂର୍ବତନ ବ୍ଲକ ସଭାପତି ଦୟାନିଧି ସାହୁ, ବଲ୍ଲଭ ସାହୁ, ଚିତ୍ରସେନ ସାହୁ, ଗୋବିନ୍ଦ ସାହୁ, ଶିଶିର ସାହୁ, ଶୁଭ୍ରାଂଶୁ ସାହୁ, ମଣ୍ଡଳ ସାଧାରଣ ସଂପାଦକ ଗୋପିନାଥ ସାହୁ, ଲିଙ୍ଗରାଜ ସାହୁ, ଶରତ ସାହୁ, ବୈକୁଣ୍ଠ ସାହୁ, ପୁଷ୍ପାଞ୍ଜଳି ସାହୁଙ୍କ ସମେତ ଶତାଧିକ ଦେଶପ୍ରେମୀ ହାତରେ ଜାତୀୟ ପତାକା ଧରି ସାମିଲ ହୋଇ ଦେଶାତ୍ମବୋଧକ ନାରା ଦେଇ ଏକ ତ୍ରିରଙ୍ଗା ରଥ ସହ ପ୍ରାୟ ୫ କିମି ଯାତ୍ରା କରିଥିଲେ। ଯୁବ ନେତୃତ୍ବ ମାନଙ୍କ ଦ୍ବାରା ମୋଟର ସାଇକେଲ ରାଲି ଚିତ୍ତାକର୍ଷକ ହୋଇଥିଲା।
