ଓଡ଼ିଆ ବାର୍ତ୍ତା/ ନୂଆଦିଲ୍ଲୀ: ପ୍ରଥମ ଭାରତୀୟ ଭାବେ ଗୋଟିଏ ଅଲିମ୍ପିକ୍ସରେ ୨ଟି ପଦକ ଜିତି ନୂତନ କିର୍ତ୍ତିମାନ ସ୍ଥାପନ କରିଛନ୍ତି ମନୁ ଭାକର । ୨୦୨୪ ପ୍ୟାରିସ ଅଲିମ୍ପିକ୍ସରେ ଭାରତ ପାଇଁ ସେ ଶୁଟିଂରେ ୨ଟି ବ୍ରୋଞ୍ଜ ପଦକ ହାସଲ କରିଥିଲେ । ଏପଟେ ଦିଲ୍ଲୀରେ ଶୁଟିଂ ବିଶ୍ୱକପ ୧୩ରୁ ୧୮ ଅକ୍ଟୋବର ପର୍ଯ୍ୟନ୍ତ ଖେଳାଯିବ ।
ତେବେ ତାଙ୍କ କୋଚ ଜସପାଲ ରାଣା ଏହାରି ଭିତରେ ଏକ ଗୁରୁତ୍ବପୂର୍ଣ୍ଣ ସୂଚନା ଦେଇଛନ୍ତି । ସେ କହିଛନ୍ତି, ମନୁ ବିଶ୍ୱକପ ଖେଳିବେ କି ନାହିଁ ମୁଁ ଠିକ ଭାବେ ଜାଣିନି । ତେବେ ସେ ୩ ମାସ ବ୍ରେକ ନେଉଛନ୍ତି । ଦୀର୍ଘ ସମୟ ହେବ ସେ କଠିନ ପରିଶ୍ରମ କରୁଥିଲେ । କିଛି ଦିନ ବ୍ରେକ ନେବା ଜରୁରୀ ହୋଇପଡିଛି ବୋଲି ସେ କହିଛନ୍ତି । ମନୁ ବ୍ରେକ ପରେ ୨୦୨୬ ଏସିଆନ ଗେମ୍ସ ଓ ରାଜ୍ୟଗୋଷ୍ଠୀ କ୍ରୀଡାରେ ମନୋନିବେଶ କରିବେ ବୋଲି ଜଣାପଡିଛି ।
