ଓଡ଼ିଆ ବାର୍ତ୍ତା/ କୋକସରା (ହିରଣ୍ୟ ବେହେରା): ବିଜୁ ଏକ୍ସପ୍ରେସ ୱେ ର କୋକସରା ବ୍ଳକ ଆମପାଣି ଥାନା ବଡକେନ୍ଦୁଗୁଡା ନିକଟରେ ବୁଧବାର ଦୁଇ ବାଇକ୍ ମଧ୍ୟରେ ମୁହାଁମୁହିଁ ଧକ୍କା ହୋଇଛି। ଏଥିରେ ବଡ଼କେନ୍ଦୁଗୁଡା ଗ୍ରାମର ବୈଦ୍ୟନାଥ ରାଉତ(୬୦), ନର୍ସିଙ୍ଗ ହଂସ (୪୦) ଓ ଖୁର୍ସେଲଗୁଡା ନୁଆପଡାର ପ୍ରଦୀପ ଦିଶାରୀ (୨୦) ଗୁରୁତର ଆହତ ହୋଇଛନ୍ତି। ସେମାନଙ୍କୁ ସ୍ଥାନୀୟ ଲୋକେ ଉଦ୍ଧାର କରି ଆମ୍ବୁଲାନ୍ସ ଯୋଗେ କୋକସରା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ପଠାଇ ଥିଲେ। ସେଠାରେ ପ୍ରାଥମିକ ଚିକିତ୍ସା ପରେ ଗୁରୁତର ନରସିଂ ହଂସ ଓ ପ୍ରଦୀପ ଦିଶାରୀଙ୍କୁ ଭବାନୀପାଟଣା ସ୍ଥିତ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରିଥିବା ଜଣାପଡିଛି।
