ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ନର୍ଲା ବ୍ଲକରେ ଯୋଗ ଦେଇ ଥିବା ନୂତନ ବିଡ଼ିଓ ବିପିନ ବିହାରୀ ଦୀପଙ୍କୁ ବିଭିନ୍ନ ସଙ୍ଗଠନ ପକ୍ଷରୁ ସ୍ଵାଗତ ସମ୍ୱର୍ଦ୍ଧନା ଦିଆ ଯାଉଥିବା ବେଳେ ଶନିବାର ନର୍ଲା ବ୍ଲକ ସରପଞ୍ଚ ସଂଘ ତରଫରୁ, ସଂଘ ସଭାପତି ଅନ୍ତରାମ ମାଝୀଙ୍କ ନେତୃତ୍ବରେ ସରିଆଁ ସରପଞ୍ଚ ଓମପ୍ରକାଶ ଛତ୍ରିଆ, ବାଗପୁର ସରପଞ୍ଚ ଗୋପାଳ ହାତୀ, ରୁପ୍ରା ସରପଞ୍ଚ ଡଲି ବେହେରା, ଘଣ୍ଟମାଳ ସରପଞ୍ଚ ଦେବେନ୍ଦ୍ର ସାଙ୍କ ସମେତ ନର୍ଲା ବ୍ଲକ ଅଧିନସ୍ଥ ସମସ୍ତ ସରପଞ୍ଚ ବ୍ଲକକୁ ଆସି ନୂତନ କରି ଯୋଗଦାନ କରିଥିବା ବ୍ଲକ ଉନ୍ନୟନ ଅଧିକାରୀ ବିପିନ ବିହାରୀ ଦୀପଙ୍କୁ ସ୍ୱାଗତ ସମ୍ବର୍ଦ୍ଧନା ଜ୍ଞାପନ କରିଥିଲେ। ଏଠାରେ ପ୍ରକାଶ ଯୋଗ୍ୟ ଯେ, କିଛି ଦିନ ତଳେ ନର୍ଲା ଗୋଷ୍ଟି ଉନ୍ନୟନ ଅଧିକାରୀ ରିପୁନଥ ସୁନାଙ୍କ ବଦଳି ବରଗଡ଼ ଜିଲ୍ଲାର ଅତାବିରା ବ୍ଲକକୁ ହୋଇଥିବା ବେଳେ ଗତ ୨୫ ତାରିଖ ସୋମବାର ଦିନ ନର୍ଲା ବ୍ଲକ୍ର ନୂତନ ଗୋଷ୍ଠୀ ଉନ୍ନୟନ ଅଧିକାରୀ ଭାବେ ବିପିନ ବିହାରୀ ଦୀପ ଯୋଗଦାନ କରିଛନ୍ତି।
