ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ନର୍ଲା ଡିଗ୍ରୀ କଲେଜର ୩୪ ତମ ବାର୍ଷିକ କ୍ରୀଡା ଉତ୍ସବ ଅନୁଷ୍ଠିତ ହୋଇଯାଇଛି । ବୁଧବାର ପୂର୍ବାହ୍ନ ୧୦ ଘଣ୍ଟା ସମୟରେ ଅନୁଷ୍ଠାନର ଓଡିଆ ଅଧ୍ୟାପକ ସୁଶାନ୍ତ ସାହୁ କ୍ରୀଡା ପତାକା ଉତ୍ତୋଳନ କରି କାର୍ଯ୍ୟକ୍ରମକୁ ଉଦ୍ଘାଟନ କରିଥିଲେ । ଏହାପରେ ଏହ ସଭା ଅନୁଷ୍ଠିତ ହୋଇଥିଲା । ଏଥିରେ ଅଧ୍ୟାପକ ସୁଶାନ୍ତ ସାହୁ, ମନୋଜ ନନ୍ଦ, ଅଧ୍ୟାପିକା ସଂଘମିତ୍ରା ପଣ୍ଡା, ଶାରିରୀକ ଶିକ୍ଷକ କ୍ଷୀତିଶ ଚନ୍ଦ୍ର ବଗର୍ତ୍ତି ପ୍ରମୁଖ ମଞ୍ଚାସୀନ ରହି ଛାତ୍ରଛାତ୍ରୀଙ୍କୁ ମାର୍ଗଦର୍ଶନ ଦେଇଥିଲେ । ଏହାକୁ କଲେଜର ଅଧ୍ୟାପିକା ସଂଘମିତ୍ରା ପଣ୍ଡା ପରିଚାଳନା କରିଥିଲେ ।
ଏକ ଦିବସୀୟ ଏହି କାର୍ଷିକ କ୍ରୀଡାରେ ଉଭୟ ଛାତ୍ରଛାତ୍ରୀଙ୍କ ପାଇଁ ୧୦୦,୨୦୦, ୪୦୦ ମିଟର ଦୌଡ ପ୍ରତିଯୋଗୀତା, ସଟଫୁଟ ଥ୍ରୋ, ଜାଭଲିନ ଥ୍ରୋ, ଲମ୍ବାଡିଆଁ, ଉଚ୍ଚଡିଆଁ ପ୍ରଭୃତି ଇଭେଣ୍ଟ ରହିଥିବା ବେଳେ କେବଳ ଛାତ୍ର ମାନଙ୍କ ପାଇଁ ୮୦୦ ମିଟର ଦୌଡ ଓ କେବଳ ଛାତ୍ରୀ ମାନଙ୍କ ପାଇଁ ମ୍ୟୁଜିକ ଚେଆର ପ୍ରତିଯୋଗୀତା ରହିଛି । ଡ଼ିଗ୍ରୀ କଲେଜର ଶାରିରୀକ ଶିକ୍ଷକ କ୍ଷୀତିଶ ଚନ୍ଦ୍ର ବଗର୍ତ୍ତି ଓ ନର୍ଲାରୋଡ ଜୟଦୁର୍ଗା ହାଇସ୍କୁଲର ଶାରିରୀକ ଶିକ୍ଷକ ନାରାୟଣ ପ୍ରଧାନ ସମସ୍ତ ପ୍ରତିଯୋଗୀତା ପରିଚାଳନା କରିଥିଲେ ।
ବିଦ୍ୟାଳୟର ଅଧ୍ୟାପିକା ସଂଘମିତ୍ରା ପଣ୍ଡା, ବାସନ୍ତୀ ସାହୁ, କୌଶଲ୍ୟା ଗଡବା, ପାର୍ବତୀ ଦାସ ଓ ଅଧ୍ୟାପକ ରମେଶ ଚନ୍ଦ୍ର ଘଡେଇ, ମନୋଜ ନନ୍ଦ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିବା ବେଳେ କର୍ମଚାରୀ ଚୁଡଙ୍ଗ ଭୋଇ, ଲକ୍ଷପତି ପଧାନ, ସନ୍ତୋଷ ନାଗ, ଗୋପାଳ ଆଡଜୁଆଡ, ରବିଚନ୍ଦ୍ର ଭୋଇ, ଗୌର ମାଝୀ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ । ଏହି ପ୍ରତିଯୋଗୀତାର କୃତୀ ଛାତ୍ରଛାତ୍ରୀ ମାନଙ୍କୁ ଆସନ୍ତା ସାଧାରଣତନ୍ତ୍ର ଦିବସ ଦିନ ପୁରସ୍କୃତ କରାଯିବ ବୋଲି ସୂଚନା ମିଳିଛି ।
