ଓଡ଼ିଆ ବାର୍ତ୍ତା କଳାହାଣ୍ଡି (ରଜତ ବଂଶଲ): ଗତକାଲି ପ୍ରକାଶିତ ସିବିଏସଇ ଦ୍ୱାଦଶ ବାର୍ଷିକ ପରୀକ୍ଷା ଫଳାଫଳରେ କଳା ବିଭାଗରେ ପ୍ରଗତି କଂସେପ୍ଟ ସ୍କୁଲ ଆଶାତୀତ ସଫଳତା ହାସଲ କରିଛି। ଏହି ସ୍କୁଲର ଛାତ୍ରୀ ସୁଶ୍ରୀ ରିୟା ଅଗ୍ରୱାଲ ୯୪.୬% ନମ୍ବର ସହ ସ୍କୁଲ ଟପ୍ପର ହେବା ସହ ସୁଶ୍ରୀ ଦୀପିକା ମିଶ୍ର ୯୧.୨%, ଶ୍ରୀମାନ ଦିନେଶ କୁମାର ଧରୁଆ ୯୦.୨% ରଖି ଉତ୍ତୀର୍ଣ୍ଣ ହୋଇଛନ୍ତି। ରିୟା ହେଉଛନ୍ତି ଧର୍ମଗଡର ଶ୍ୟାମଲାଲ ଅଗ୍ରୱାଲ ଓ ବବିତା ଅଗ୍ରୱାଲଙ୍କ ଝିଅ। ଏହି ସଫଳତା ନିମନ୍ତେ ସେ ନିଜର ପିତାମାତା ତଥା ସମସ୍ତ ଶିକ୍ଷକ ଶିକ୍ଷୟତ୍ରୀଙ୍କୁ ନିଜର ଶ୍ରେୟ ଦେଇଛନ୍ତି। ସେ ଭବିଷ୍ୟତରେ ଜଣେ ପ୍ରଶାସନିକ ସେବାରେ ଯୋଗ ଦେବାର ଲକ୍ଷ୍ୟ ରଖିଛନ୍ତି।
