ଲାଞ୍ଜିଗଡ,୧୯/୫: ଏହି ବ୍ଲକ କାନକୁଟୁରୁ ପଞ୍ଚାୟତ ପାଇକବୋରି ଗ୍ରାମର ମନୋହର ମାର୍ଥା(୬୧)ଙ୍କ ଅଂଶୁଘାତରେ ମୃତ୍ୟୁ ଘଟିଥିବା ଜଣାଯାଇଛି। ମିଳିଥିବା ସୂଚନା ଅନୁଯାୟୀ ସୋମବାର ଦିନ ମନୋହର ନିଜ ଘର ଛାତ ପଡ଼ୁଥିବା ଯୋଗୁଁ ଦିନ ସାରା ଖରାରେ ଠିଆ ହୋଇଥିଲା। ଅପରାହ୍ନ ୫ ଘଣ୍ଟା ସମୟରେ ହଠାତ ସେ ତଳେ ପଡି ଯାଇଥିଲେ। ଏହି ଖବର ପାଇ ପୁଅ ସୁଦର୍ଶନ ମାର୍ଥା ଲାଞ୍ଜିଗଡ ଠାରୁ ଗାଁକୁ ଯାଇ ବାପାଙ୍କୁ ନେଇ ଲାଞ୍ଜିଗଡ ବେଦାନ୍ତ ମେଡ଼ିକାଲକୁ ରାତ୍ର ୮ ଘଣ୍ଟା ସମୟରେ ପହଞ୍ଚି ଥିଲା। ମେଡିକାଲରେ ଡାକ୍ତର ଗୀତାଞ୍ଜଳି ଦେଇ ମନହରଙ୍କୁ ମୃତ୍ୟୁ ଘୋଷଣା କରିଥିଲେ। ପରେ ବେଦାନ୍ତ ମୁଖ୍ୟ ଚିକିତ୍ସାଧିକାରୀ ଡକ୍ତର ଅକ୍ଷୟ ସାହୁ, ଡକ୍ତର ପି. କେ. ପରମଣିକ, ମେଡିକାଲ ଅଫିସର ଅମର ମହାନ୍ତି ଓ ଜଗନ୍ନାଥ ବାଗଙ୍କ ସହଯୋଗରେ ବେଦାନ୍ତ ଆମ୍ବୁଲାନ୍ସ ଦ୍ବାରା ମୃତ ଦେହକୁ ପାଇକବୋରି ପଠା ଯାଇଥିଲା।