ଲାଞ୍ଜିଗଡ,୭/୬: ଆଜି (ରବିବାର) ସକାଳ ୬ ଘଣ୍ଚାରୁ ଲାଞ୍ଜିଗଡ ରୋଡରେ ଲାଗୁ ହୋଇଛି ୪୮ ଘଣ୍ଟିଆ ସଟ୍ ଡାଉନ୍ । ଏହା ଆସନ୍ତା ୯ ତାରିଖ ମଙ୍ଗଳବାର ସକାଳ ୬ ଘଣ୍ଟା ପର୍ଯ୍ୟନ୍ତ ବଳବତ୍ତର ରହିବ ।

ଦିନକୁ ଦିନ କରୋନା ଭୁତାଣୁ ସଂକ୍ରମଣ ବୃଦ୍ଧି ପାଉଥିବାରୁ ଅଞ୍ଚଳର ଭବିଷ୍ୟତକୁ ଦୃଷ୍ଟିରେ ରଖି ୪୮ ଘଣ୍ଟା ପାଇଁ ଲାଞ୍ଜିଗଡରୋଡ ପଞ୍ଚାୟତକୁ ସଟ୍ ଡାଉନ୍ ଘୋଷଣା କରିଛନ୍ତି ସରପଞ୍ଚ ଟଙ୍କଧର ମାଝୀ ।

ଗ୍ରାମପଞ୍ଚାୟତ କାର୍ଯ୍ୟାଳୟ ଲାଞ୍ଜିଗଡରୋଡର ପତ୍ର ସଂଖ୍ୟା – ୬୧ ରେ ଏନେଇ ସୂଚିତ କରାଯାଇଛି । ଏଥିରେ ଉଲ୍ଲେଖ ରହିଛି ଯେ, ଜୁନ ୭ ତାରିଖ ରବିବାର ସକାଳ ୬ ଘଣ୍ଟା ଠାରୁ ଜୁନ ୯ ତାରିଖ ମଙ୍ଗଳବାର ସକାଳ ୬ ଘଣ୍ଟା ପର୍ଯ୍ୟନ୍ତ ଲାଞ୍ଜିଗଡରୋଡ ପଞ୍ଚାୟତ ସଟ୍ ଡାଉନ୍ ରେ ରହିବ । କେବଳ ସ୍ବାସ୍ଥ୍ୟ ସମନ୍ଧିୟ ସେବାକୁ ଏହି ବନ୍ଦରୁ ବାଦ ଦିଆଯିବ ।