ବଲାଙ୍ଗିର: ଟିଟିଲାଗଡ଼ ବ୍ଲକ ସିହିନି ପଞ୍ଚାୟତ ଅନ୍ତର୍ଗତ ବଛାଯୁଝା ଗ୍ରାମର ଭଜ ଖର୍ସେଲ କିଡ଼ିନି ରୋଗରେ ମୃତ୍ୟୁବରଣ କରିବାପରେ ତାଙ୍କ ପରିବାର ଅସହାୟ ହୋଇ ପଡିଛନ୍ତି।ବଲାଙ୍ଗୀର ଜିଲ୍ଲା ଯାଦବ ମହାସଭା ଜିଲ୍ଲା ସଂଯୋଜକ ମନୋଜ ହାତୀଙ୍କ ସହ ଜିଲ୍ଲା ଯାଦବ ମହାସଭାର ଏକ ପ୍ରତିନିଧି ମଣ୍ଡଳୀ ମୃତ ଭଜ ଖର୍ସେଲଙ୍କ ୫ ଝିଅ ଓ ବିଧବା ପତ୍ନୀଙ୍କୁ ସାକ୍ଷାତ କରି ସମବେଦନା ଦେବାସହ କିଛି ଆର୍ଥିକ ସହଯୋଗ କରିଛନ୍ତି। ଏହାସହ ସମସ୍ତ ସରକାରୀ ଯୋଜନା ପାଇବାରେ ସହଯୋଗ କରାଯିବ ବୋଲି ଆଶ୍ଵାସନା ଦେଇଛନ୍ତି ଏହି ପ୍ରତିନିଧି ମଣ୍ଡଳୀ। ଏଥିରେ ଜିଲ୍ଲା ଯାଦବ ମହାସଭାର ସଂଯୋଜକ ମନୋଜ ହାତୀଙ୍କ ସମେତ ଉତ୍କଳ ଯାଦବ ମହାସଭା ଛାତ୍ର ସଂଘ ସାଧାରଣ ସମ୍ପାଦକ ଦିନେଶ କୁମାର ନାଗ ଓ ଅନ୍ୟମାନେ ଉପସ୍ଥିତ ଥିଲେ।
