ଧର୍ମଗଡ: ଜୁନାଗଡ଼ ବ୍ଳକ ଝାରକୁଣ୍ଡାମାଲ ସିଂ ଢ଼ାବା ପାଖରେ ବୁଲେଟ ସହ ସାଇକେଲ ଧକ୍କା ହେବାରୁ ସାଇକେଲ ଆରୋହୀଙ୍କ ମୃତ୍ୟୁ ହୋଇଛି। ମୃତ ବ୍ୟକ୍ତି ଜଣକ ପଖନାଗୁଡା ଗ୍ରାମର ପ୍ରକାଶ ବାଗ ବୋଲି ସୂଚନା ମିଳିଛି। ପରିବାର ଲୋକଙ୍କ କହିବା ଅନୁସାରେ ପ୍ରକାଶ ବାଗ କାଲୋପଲାକୁ ସାର ଆଣିବା ପାଇଁ ଯାଇ ଥିଲେ। ଏହି ସମୟରେ ଓଡି ୦୮କ୍ୟୁ ୧୮୨୪ ନମ୍ବର ବିଶିଷ୍ଟ ବୁଲେଟ ପଛପଟୁ ସାଇକେଲକୁ ଧକ୍କା ଦେଇଥିଲା। ବୁଲେଟ ଆରୋହୀ ୨ଜଣ ମଧ୍ୟ ଗୁରୁତର ହୋଇପଡିଥିବା ଜଣାପଡିଛି। ଦୁର୍ଘଟଣା ଜାଗାରେ ପରିବାର ଓ ସ୍ଥାନୀୟ ଲୋକେ ଥିବାବେଳେ ପରିସ୍ଥିତି ଉତ୍ତେଜନାପୂର୍ଣ୍ଣ ଥିବା ଜଣାପଡିଛି। ଧର୍ମଗଡ ପୋଲିସ ଘଟଣାସ୍ଥଳରେ ପହଂଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରିବା ସହିତ ତଦନ୍ତ ଆରମ୍ଭ କରିଛି।
ଧର୍ମଗଡ଼ ଉପଖଣ୍ଡ ପ୍ରତିନିଧି ଲବଣୀ ରାଉତଙ୍କ ରିପୋର୍ଟ OdiaBarta.in
