ଜୟପାଟଣା, (ଧନେଶ୍ଵର ପୁଞ୍ଜି): ଜୟପାଟଣା ବ୍ଲକ ଘଣ୍ଟିଗୁଡା ଆଞ୍ଚଳିକ ଶିକ୍ଷା କେନ୍ଦ୍ର ଅଧିନସ୍ଥ ଉଚ୍ଛଳା ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ ପୋଷାକ ବିତରଣ କାର୍ଯକ୍ରମ ଅନୁଷ୍ଠିତ ହୋଇଯାଇଛି। ବିଦ୍ୟାଳୟ ପରିଚାଳନା କମିଟି ସଭାପତି ହିମାଞ୍ଚଳ ନାଏକଙ୍କ ଅଧ୍ୟକ୍ଷତାରେ ଆୟୋଜିତ ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଗୋଷ୍ଠୀ ସହ ଶିକ୍ଷା ଅଧିକାରୀ ଅଚ୍ୟୁତ କୁମାର ସାହୁ ଯୋଗ ଦେଇ ଛାତ୍ରଛାତ୍ରୀଙ୍କୁ ପୋଷାକ ବଣ୍ଟନ କରିଥିଲେ। ଏହି ଅବସରରେ ଗୋଷ୍ଠୀ ସହ ଶିକ୍ଷା ଅଧିକାରୀ ଶ୍ରୀ ସାହୁ ଛାତ୍ର ଛାତ୍ରୀ ଓ ଅଭିଭାବକ ମାନଙ୍କୁ କୋରୋନା ସଚେତନତା, ୟୁ ଟ୍ୟୁବ୍ ଶିକ୍ଷା ଦାନ, ରେଡ଼ିଓ ପାଠ ଶାଳା ସହିତ ବିଦ୍ୟାଳୟ ଖୋଲିଲେ ଶତ ପ୍ରତିଶତ ଛାତ୍ରଛାତ୍ରୀ ଉପସ୍ଥାପନ କରିବା ପାଇଁ ପରାମର୍ଶ ଦେଇଥିଲେ। ବିଦ୍ୟାଳୟର ପ୍ରଧାନ ଶିକ୍ଷକ ନବ କିଶୋର ନାଏକ କାର୍ଯକ୍ରମ ପରିଚାଳନା କରିଥିବାବେଳେ ଶିକ୍ଷକ ବାଲେଶ୍ବର ଦୁର୍ଗା, ବୃନ୍ଦାବନ ସାହୁ, ମନୋରଞ୍ଜନ ସାହୁ, ଶିକ୍ଷୟିତ୍ରୀ ରାକ୍ଷୀ ସୁନାନୀ, ଅଙ୍ଗନବାଡ଼ି କର୍ମୀ ଶାନ୍ତିଲତା ସାହୁ ଆଶା କର୍ମୀ କ୍ଷୀରାଦ୍ରୀ ନାଗ ପ୍ରମୁଖ ସହଯୋଗ କରିଥିଲେ।
