ଓଡ଼ିଆ ବାର୍ତ୍ତା/ ନୂଆଦିଲ୍ଲୀ: ଅଭିଷେକ ତାଙ୍କର ନୂଆ ଫିଲ୍ମ ୱେବ୍ ସୋ ‘ବ୍ରିଦ୍ ଇଣ୍ଟୁ ଦ ଶ୍ୟାଡୋସ୍’ ସିଜନ୍ ୨ ପାଇଁ ଉତ୍ସାହିତ ଅଛନ୍ତି । ନିକଟରେ ସେ ଏକ ସାକ୍ଷାତକାର କହିଛନ୍ତି ଯେ, ଏହି ଫିଲ୍ମକୁ ନେଇ ତାଙ୍କ ପରିବାର ବହୁତ ଏକ୍ସସାଇଟେଡ ଥିବାବେଳେ କେବଳ ତାଙ୍କ ମା ’ଜୟା ବଚ୍ଚନଙ୍କ ଖୁସି ନାହାଁନ୍ତି । ଅଭିଷେକ କହିଛନ୍ତି ଯେ ତାଙ୍କ ମା ଜୟା ବଚ୍ଚନଙ୍କ ବ୍ୟତୀତ ସମଗ୍ର ପରିବାର ‘ବ୍ରିଦ୍ ୨’ ଦେଖିବାକୁ ଅପେକ୍ଷା କରିଛନ୍ତି। ଅଭିଷେକ ବଚ୍ଚନ କହିଛନ୍ତି – ତାଙ୍କ ମା’ ଜୟା ବଚ୍ଚନ ‘ବ୍ରିଦ୍ ଇଣ୍ଟୁ ଦ ଶ୍ୟାଡୋସ୍ ୨’ ଦେଖିବାକୁ ମନା କରି ଦେଇଛନ୍ତି । ଏହି ବିଷୟରେ ଅଭିଷେକ କହିଛନ୍ତି, “ଆମେ ଏକ ଭଲ ଥ୍ରୀଲର ତିଆରି କରିଥିବା ପ୍ରକୃତ ସାକ୍ଷ୍ୟ ହେଉଛି ଯେ ମୋ ମା ଏହାକୁ ଦେଖିବାକୁ ମନା କରିଦେଇଥିଲେ । ମୋ ମା ବ୍ୟତିତ ମୋ ପରିବାର ଏହି ଫିଲ୍ମ ଦେଖିବା ପାଇଁ ନଭେମ୍ବର ୮ ତାରିଖ ରାତିକୁ ଅପେକ୍ଷା କରିରହିଛନ୍ତି । ମୋ ମା ସଂସଦକୁ ଯାଇ ଅନ୍ୟ କିଛି ଦେଖିବାକୁ ପସନ୍ଦ କରନ୍ତି, ସେ ଏହି ପ୍ରକାର ଆକ୍ରୋଶ ଏବଂ ହିଂସାକୁ ପସନ୍ଦ କରନ୍ତି ନାହିଁ । ସେ ଭୟଭୀତ ହୁଅନ୍ତି ।ସେଥିପାଇଁ ସେ ସଂସଦକୁ ଯିବାକୁ ପସନ୍ଦ କରନ୍ତି ଯେଉଁଠାରେ ସେପରି କିଛି ହୁଏ ନାହିଁ । ”
