ଡିସେମ୍ବର ୨୪ରୁ ବୁଢ଼ାଡଙ୍ଗର ଲୋକ ମହୋତ୍ସବ-୨୦୨୨

ଓଡ଼ିଆ ବାର୍ତ୍ତା/ କେସିଙ୍ଗା (ମଧୁସୂଦନ ଠାକୁର): ଆସନ୍ତା ଡ଼ିସେମ୍ବର ୨୪ ଓ ୨୫ ଦୁଇଦିନ ଧରି ବୃନ୍ଦାବନ ସାଂସ୍କୃତିକ ଅନୁଷ୍ଠାନ ପକ୍ଷରୁ କେସିଙ୍ଗା ଜଗନ୍ନାଥ ମନ୍ଦିର ପଡ଼ିଆଠାରେ ‘ବୁଢ଼ାଡଙ୍ଗର ଲୋକ ମହୋତ୍ସବ-୨୦୨୨’ ଆୟୋଜିତ ହେବ। ବିଗତ ଦୁଇ ବର୍ଷ କରୋନା କଟକଣା ପରେ ଏବର୍ଷ ଏହି ଉତ୍ସବ ପାଳନ କରିବା ପାଇଁ ନିଷ୍ପତ୍ତି ନିଆଯାଇଛି। ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ଓଡ଼ିଶା ଆନୁକୂଲ୍ୟରେ ଓଡ଼ିଶା ସଙ୍ଗୀତ ନାଟକ ଏକାଡେମୀ ଦ୍ବାରା ଦେଶଜର ଅପୂର୍ବ ମିଳନ ‘ବୁଢ଼ାଡଙ୍ଗର ଲୋକ ମହୋତ୍ସବ’ ଆୟୋଜନ କରାଯାଇଥାଏ। ଏଥିରେ ପଞ୍ଚାୟତ ସ୍ତରରୁ ଆରମ୍ଭ କରି ରାଜ୍ୟ ଓ ରାଜ୍ୟ ବାହାରୁ ମଧ୍ୟ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥାଏ। ଏ ବର୍ଷ ମଧ୍ୟ ଉତ୍ସବ ପାଇଁ କେସିଙ୍ଗା ସହରର ସମସ୍ତ ସ୍କୁଲରେ ବିଭିନ୍ନ ପ୍ରତିଯୋଗିତା କରାଯାଇଥିଲା। କୃତି ଛାତ୍ରଛାତ୍ରୀଙ୍କୁ ଏହି ଉତ୍ସବ ଅବସରରେ ସମ୍ମାନିତ କରାଯିବ ବୋଲି ଅନୁଷ୍ଠାନର ସଭାପତି ତଥା ବରିଷ୍ଠ ସାମ୍ବାଦିକ ପ୍ରଶାନ୍ତ ମହାପାତ୍ର ପ୍ରକାଶ କରିଛନ୍ତି।

Sunil Kumar Dhangadamajhi

𝐸𝑑𝑖𝑡𝑜𝑟, 𝑂𝑑𝑖𝑎𝐵𝑎𝑟𝑡𝑎.𝑖𝑛

http://odiabarta.in
error: You are not allowed to copy this content. Thank you.