ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ନେହେରୁ ଯୁବ କେନ୍ଦ୍ର କଳାହାଣ୍ଡି ଆନୁକୂଲ୍ୟରେ ଏବଂ ଭବାନୀଶଙ୍କର ସାଂସ୍କୃତିକ ଅନୁଷ୍ଠାନର ସହଯୋଗରେ ନର୍ଲା ବ୍ଲକ ଅନ୍ତର୍ଗତ ସରିଆଁ ଗ୍ରାମରେ ସ୍ବଚ୍ଛତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଅନୁଷ୍ଠାନର ଉପଦେଷ୍ଟା ମଣ୍ଡଳୀର ସଦସ୍ୟ ସରୋଜ କୁମାର ମହାପାତ୍ର, କୁବେର ଭୋଇ, ଦୁଷ୍ମନ୍ତ ଭୋଇ ଏବଂ ଡମ୍ବରୁଧର ଭୋଇଙ୍କ ପ୍ରତ୍ୟକ୍ଷ ତତ୍ୱାବଧାନରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଆୟୋଜିତ କାର୍ଯ୍ୟକ୍ରମରେ ଗ୍ରାମର ନଳକୂପ ପରିସର, ରାସ୍ତା ଦୁଇ ପାର୍ଶ୍ଵ ଏବଂ ଡ୍ରେନ ପ୍ରଭୃତି ସଫା କରାଯାଇଥିଲା। ଉକ୍ତ କାର୍ଯ୍ୟକ୍ରମରେ ଭବାନୀଶଙ୍କର ସାଂସ୍କୃତିକ ଅନୁଷ୍ଠାନର ସମ୍ପାଦକ ମିଲନ କୁମାର ଭୋଇ, ଉପସଭାପତି ଶୁକଦେବ ସାହୁ, ସକ୍ରିୟ ସଦସ୍ୟ ଅସୀମ ଭୋଇ, ପ୍ରତ୍ୟୁଷ ଭୋଇ, ସୌରଭ ଭୋଇ, ଅଜିତ ସାହୁ, ପ୍ରଶାନ୍ତ ସାହୁ , ଭକ୍ତ ବିଶ୍ୱାଳ, ପପୁ ସାହୁ, ରୋଷନ ଭୋଇ, ମୋହିତ ସା ପ୍ରମୁଖ ସଦସ୍ୟ ସାମିଲ ହୋଇଥିଲେ।
