ନିଦାଘ ଆସିଲା ମହୁଲ ବାସିଲା
ହସିଲା କୁରେହି ଫୁଲ,
ମଲ୍ଲୀ,ହେନା,ଜୁଇ ଚହଟି ବାସିଲା
ଜଳଇ ପଲାଶ ଫୁଲ ॥
ବସନ୍ତକୁ ଦେଇ ବିଦାୟ ଆସିଛି
ଆମ୍ର,ଜାମୁ କୋଳି ଧରି
ତରଭୂଜ,ଲେମ୍ବୁ,ପଣସ ଆଣିଛି
ଆହୁରି ଆଖୁର ବାରି ॥
ସାଥିରେ ଆଣିଛି ପ୍ରଖର କିରଣ
ଶୋଷିବାକୁ ସୁଧା ନୀର,
ସେଇ ନୀର ପରା ସବୁରି ଜୀବନ
ଜାଣିଛି ଏଇ ସଂସାର ॥
ନିଜେ ପାଏ ସିନା କଷଣ ଅମାପ
ବିଶ୍ୱଜନ ହିତ ପାଇଁ,
ଜଳ ଟାଣି ନେଇ ସୃଜଇ ଜଳଦ
ହସାଇ ଦେବାକୁ ମହୀ ॥
ଆସ ଆସ ସର୍ବେ ହାତେ ହାତ ଦେଇ
ସୁ‐ସ୍ୱାଗତ କର ବାରେ,
ଦିଅ ଫୁଲମାଳ,ଦିଅ କରତାଳ
ପୂଜ୍ୟ ନିଦାଘ ପାଇଁରେ ॥
ନିଦାଘ ଭାଷଇ ଶୁଣ ନରନାରୀ
ଆଣିଛି ମୁଁ ଉପହାର,
ତରଭୁଜ ,ଆଖୁ ଆମ୍ର ଫଳ ଖାଇ
ଶରୀରେ ଯତନ କର ॥
ଓଦା ଗାମୁଛାକୁ ମଥା ପରେ ରଖ
ପିଇବ ପ୍ରଚୁର ଜଳ ,
ଛତା ଜୋତା ସଦା ସମୀପରେ ରଖ
ନୋହିଲେ ମୁଁ ହେବି କାଳ ॥
ଆମେ ନିଜେ ଚାଲ ସଚେତନ ହୋଇ
ଆନକୁ ଦେବା ବାରତା,
ନିଦାଘ ନୁହଇ କୃର କାହାପାଇଁ
ସେ ପରା ଜଗତ ଜିତା ॥
ପ୍ରେମଲତା ସାହୁ
ସହ ଶିକ୍ଷୟିତ୍ରୀ,କନ୍ଧମାଳ
For latest news & updates, click on bell button and subscribe to notifications.
Like us on Facebook👇
Subscribe us on Youtube👇
Join our whatsapp group👇
