ଓଡ଼ିଆ ବାର୍ତ୍ତା/ କଟକ: ୨୦୨୩ ପୁରୁଷ ଦିନିକିଆ ବିଶ୍ୱକପ୍ ଭାରତର ୧୦ଟି ପଡ଼ିଆରେ ଆୟୋଜିତ ହେବାକୁ ଥିବା ବେଳେ ଓଡ଼ିଶାର ବାରବାଟୀ ଷ୍ଟାଡିୟମ ଏହି ତାଲିକାରେ ସ୍ଥାନ ପାଇନାହିଁ । ଏହାକୁ ନେଇ ରାଜ୍ୟର କ୍ରିକେଟ୍ ପ୍ରେମୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି । ବାରବାଟୀ ଷ୍ଟାଡିୟମରେ ଦର୍ଶକଙ୍କ କ୍ଷମତା ୪୫ ହଜାର ହୋଇଥିବା ବେଳେ ୨୦୧୧ ଓ ୨୦୧୩ ଦିନିକିଆ ବିଶ୍ୱକପ୍ ସମୟରେ ହୋଇଥିବା ମ୍ୟାଚ୍ ସମେତ ଅନେକ ହାଇପ୍ରୋଫାଇଲ୍ ମ୍ୟାଚ୍ ଆୟୋଜନ କରାଯାଇଛି । ମହାରାଷ୍ଟ୍ରରେ ଶିବସେନା ଦଳ ଭାରତ-ପାକିସ୍ତାନ ମ୍ୟାଚକୁ ବିରୋଧ କରିବା ପରେ ୨୦୧୩ରେ ଏହି ଷ୍ଟାଡିୟମରେ ପାକିସ୍ତାନ ସମେତ ଗ୍ରୁପର ସମସ୍ତ ମ୍ୟାଚ୍ ଆୟୋଜନ କରାଯାଇଥିଲା । ଷ୍ଟାଡିୟମକୁ ବାଦ୍ ଦିଆୟିବା ନେଇ ଓଡ଼ିଶା କ୍ରିକେଟ୍ ପ୍ରେମୀ ସୋସିଆଲ୍ ମିଡିଆରେ ତୀବ୍ର ଅସନ୍ତୋଷ ପ୍ରକାଶ କରିଛନ୍ତି । ସେମାନେ ଆଇସିସି ଓ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ)କୁ ଏହି ନିଷ୍ପତ୍ତିର କାରଣ ସ୍ପଷ୍ଟ କରିବାକୁ କହିଛନ୍ତି । ଷ୍ଟାଡିୟମକୁ ବାଦ୍ ଦିଆଯିବା ପଛରେ ରାଜନୈତିକ କାରଣ ରହିଛି ବୋଲି କିଛି ପ୍ରଶଂସକ ଯୁକ୍ତି ବାଢିଛନ୍ତି । ସେମାନେ ଦର୍ଶାଇଛନ୍ତି ଯେ ୨୦୧୩ ବିଶ୍ବକପରେ ପାକିସ୍ତାନର ଅଂଶଗ୍ରହଣ ନେଇ ଯେଉଁ ସମ୍ବେଦନଶୀଳ ପ୍ରସଙ୍ଗ ଉଠିଥିଲା, ସେଥିରେ ଓଡ଼ିଶା କ୍ରିକେଟ୍ ଆସୋସିଏସନ୍ (ଓସିଏ) ବିସିସିଆଇ ସହ ଛିଡ଼ା ହୋଇଥିଲା । ଷ୍ଟାଡିୟମରେ କମ୍ ସ୍କୋରିଂ ପଡ଼ିଆ ଥିବାରୁ ଏହାକୁ ବାଦ୍ ଦିଆଯାଇଛି ବୋଲି ଅନ୍ୟ ପ୍ରଶଂସକମାନେ ଯୁକ୍ତି ବାଢିଛନ୍ତି। ତେବେ ସେମାନେ ଦର୍ଶାଇଛନ୍ତି ଯେ ଏହି ଷ୍ଟାଡିୟମରେ ୨୦୧୯ରେ ଭାରତ ଓ ଓ୍ୱେଷ୍ଟେଣ୍ଡିଜ ମଧ୍ୟରେ ହାଇ ସ୍କୋରିଂ ମ୍ୟାଚ୍ ଖେଳାଯାଇଥିଲା ।
