🖋କୁମୁଦିନୀ ବେହେରା
ଈଶ୍ୱର ନଥାନ୍ତି ମାଟି, ମାଣିକରେ
କାଠ ନିର୍ମିତ ମୂର୍ତ୍ତିରେ
ସେ ଥାଆନ୍ତି ଖାଲି ପ୍ରେମ ଭକ୍ତି ଆଉ
ହୃଦୟ ଭାବ ଭିତରେ।
ଯଜ୍ଞ ବିନା ଯେହ୍ନେ ବେଦପାଠ ନାସ୍ତି
ଦାନ ବିନା ଯଜ୍ଞ ବ୍ୟର୍ଥ
ଭାବ ବିନା ସିଦ୍ଧ ନୂହେଁ ତୋର ଆତ୍ମା
ଭକ୍ତି ଭାବ ତୋ’ ସାମର୍ଥ୍ୟ।
ଶାନ୍ତି ପରି ତପ ନାହିଁ ଏ ଜଗତେ
ଜପାମାଳି କରିଥିବୁ
ଆତ୍ମା ସନ୍ତୋଷର ସୁଖ ବୈଭବକୁ
ସଂସାରେ ତୁ’ ପ୍ରାପ୍ତ ହେବୁ।
ତୃଷ୍ଣା ସମ ବ୍ୟାଧି ଥିଲେ ତୋ ଆତ୍ମାରେ
ନାହିଁ ତୋ ଜୀବନେ ସ୍ଥିତି
ବିଚାରବନ୍ତ ରେ ଧର୍ମ କର୍ମ କଲେ
ପରମାତ୍ମା ହୁଏ ପ୍ରାପ୍ତି।
କ୍ରୋଧ ଅଟେ ତୋର ଯମର ସମାନ
ଅକାଳରେ ନେବ ପ୍ରାଣ
ସର୍ବlନ୍ତକରଣେ ଶାନ୍ତିରେ ରହିବୁ
ଯେସନେ ଇନ୍ଦ୍ର ନନ୍ଦନ।
ଶୀତଳତା ପଣେ ସିଦ୍ଧତା ବରଣେ
ପାଇବୁ ସର୍ବ ସମ୍ପଦ
ଦୁଃଖ କ୍ଳେଶ ଲେଶ ନ’ ହେବେ ପ୍ରବେଶ
ସ୍ରଷ୍ଟା ହେବେ ତୋ’ ବୈଭବ।