ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ନର୍ଲା ବ୍ଲକର ଶାନ୍ତପୁର ରାଧାକୃଷ୍ଣ ଉଚ୍ଚ ବିଦ୍ୟାଲୟରେ ଶିକ୍ଷକ ଓ ଅଭିଭାବକ ବୈଠକ ଅନୁଷ୍ଠିତ ହୋଇଥିଲା । ପ୍ରଧାନ ଶିକ୍ଷୟତ୍ରୀ ସ୍ୱେତାଲିନ ପ୍ରଧାନଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉକ୍ତ ବୈଠକରେ ଉକ୍ତ ବିଦ୍ୟାଳୟର ଏସଏମସି ସଭାପତି ବଳରାମ ହରପାଲ, ଶାନ୍ତପୁର କ୍ଲଷ୍ଟରର ସିଆରସିସି ହିମାଂଶୁ ଶେଖର ସାହୁ ଏବଂ ଅଭିଭାବକ/ଅଭିଭାବିକା, ବିଦ୍ୟାଳୟର ସମସ୍ତ ଶିକ୍ଷକ ଓ ଶିକ୍ଷୟତ୍ରୀ ଏଭଳି ମୋଟ ୧୩୫ ଜଣ ଉପସ୍ଥିତ ଥିଲେ । ବିଦ୍ୟାଳୟର ଶାରିରୀକ ଶିକ୍ଷକ କିଶୋର ଚନ୍ଦ୍ର ସା କାର୍ଯ୍ୟକ୍ରମ ପରିଚାଳନା କରିଥିଲେ । ଏଥିରେ ଆପର ଆଇଡି କ୍ରିଏସନ ମୁଖ୍ୟ ବିଷୟ ବସ୍ତୁ ରହିଥିଲା । ପ୍ରଧାନ ଶିକ୍ଷୟତ୍ରୀ ଶ୍ରୀମତୀ ପ୍ରଧାନ ପ୍ରଥମେ ସ୍ୱାଗତ ଭାଷଣ ପ୍ରଦାନ କରିଥିଲେ । ଏହାପରେ ଆପର ଆଡି ବିଷୟରେ ସିଆରସିସି ସମସ୍ତ ଅଭିଭାବକ ଓ ଅଭିଭାବିକା ମାନଙ୍କୁ ବିସ୍ତୃତ ଭାବରେ ବୁଝାଇଥିଲେ । ଷଷ୍ଠ ଶ୍ରେଣୀରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀଙ୍କ କିପରି ଆଇଡି କ୍ରିଏଟ ହେବ ତାହା ଉପରେ ଆଲୋଚନା ହୋଇଥିଲା । ଶେଷରେ ଏସଏମସି ସଭାପତି ଶ୍ରୀ ହରପାଲ ଧନ୍ୟବାଦ ଅର୍ପଣ କରିଥିଲେ ।
