ଓଡ଼ିଆ ବାର୍ତ୍ତା/ ଜୁନାଗଡ଼ (ସ୍ବାସ୍ତିଦୀପ ଆଦିତ୍ୟ): ରାଜ୍ୟବାସୀଙ୍କ ସେବାରେ ଏକ ବର୍ଷ ଓ ଦେଶ ବାସୀଙ୍କ ସେବା ରେ ଏଗାର ବର୍ଷ ପୂର୍ତ୍ତି । ଡବଲ ଇଞ୍ଜିନ ସରକାରଙ୍କ ବିକାଶମୂଳକ କାର୍ଯ୍ୟ ଜନସାଧାରଣ ପର୍ଯ୍ୟନ୍ତ ପହଞ୍ଚିବା ଉଦ୍ଦେଶ୍ୟରେ ଜୁନାଗଡ ବିଜ୍ଞାପିତ ଅଞ୍ଚଳ ପରିଷଦ ପକ୍ଷରୁ ବିକାଶ ବାହନ ରଥ ଯାତ୍ରା ଆରମ୍ଭ କରାଯାଇଛି। ଏହି ଅବସରରେ ମୁଖ୍ୟଅତିଥି ଭାବରେ ସାଂସଦ ପ୍ରତିନିଧି ଓ ପୂର୍ବତନ ନଗର ସଭାପତି ଶିବରାମ ରାଉତ ବିକାଶ ବାହନ ରଥକୁ ପତାକା ଦେଖେଇ ଯାତ୍ରାର ଶୁଭାରମ୍ଭ କରିଥିଲେ। ସହଯୋଗରେ ନଗର ସଭାପତି ବିକ୍ରାନ୍ତ କୁମାର ପଟ୍ଟନାୟକ, ସାଧାରଣ ସମ୍ପାଦକ ଗଣେଶ ଗହୀର, ଭାରପ୍ରାପ୍ତ ନଗରପାଳ ହିମାଦ୍ରୀ ନାଏକ ଓ ଅନ୍ୟାନ୍ୟ ଓ୍ୱାର୍ଡ ପରିଷଦ ମାନେ ଯେପରିକି, ୱାର୍ଡ ୪ ପରିଷଦ ହିମାଦ୍ରି ସିନ୍ଦୂର, ୱାର୍ଡ ୬ ପରିଷଦ ମାଧବୀ ବାଗ ଓ ୱାର୍ଡ ୭ ପରିଷଦ ମଞ୍ଜୁଲତା ସେଠୀ ସହିତ ସ୍ୱଚ୍ଛ ସାଥୀ, କର୍ମଚାରୀ ବୃନ୍ଦ, ଭାରତୀୟ ଜନତା ପାର୍ଟି ର ସମସ୍ତ କାର୍ଯ୍ୟକର୍ତ୍ତା ଓ ଅନେକ ଜନସାଧାରଣ ଉପସ୍ଥିତ ହୋଇଥିଲେ। ଅଞ୍ଚଳ ପରିଷଦର ନିର୍ବାହୀ ଅଧିକାରୀ ପ୍ରମୋଦ କୁମାର ଖିଲୋଙ୍କ ନେତୃତ୍ୱରେ ଏହି ବିକାଶ ବାହନ ଯାତ୍ରା ଆୟୋଜିତ ହୋଇଥିଲା। ଏହି ରଥ ଦ୍ୱାରା ସରକାରଙ୍କ ବିଭିନ୍ନ ଯୋଜନା, ଉପଲବ୍ଧି ଓ ସେବାମୂଳକ କାର୍ଯ୍ୟ ଗ୍ରାମ ଓ ଶହର ଲୋକଙ୍କ ସାମ୍ନାରେ ପ୍ରଦର୍ଶିତ କରାଯିବ ବୋଲି ଜଣାପଡିଛି। ଏହି କାର୍ଯ୍ୟକ୍ରମ ମାଧ୍ୟମରେ ସରକାର ର ପ୍ରତି ବିଶ୍ୱାସ ବଢ଼ିବା ସହ ଗ୍ରାମୀଣ ଅଞ୍ଚଳ ଓ ସହର ମଧ୍ୟରେ ବିକାଶ ଗତି ଅଧିକ ତିବ୍ର ହେବ ବୋଲି ଆଶା ବ୍ୟକ୍ତ କରାଯାଇଛି।
