ଓଡ଼ିଆ ବାର୍ତ୍ତା/ କଲ୍ୟାଣ ସିଂହପୁର (ପଦ୍ମନ ଭତ୍ରା): ରାୟଗଡ଼ା ଜିଲ୍ଲା କଲ୍ୟାଣ ସିଂହପୁର ବ୍ଲକ ବିଜେପି ପକ୍ଷରୁ କଂଗ୍ରେସ ବିରୁଦ୍ଧରେ ବିକ୍ଷୋଭ ପ୍ରଦର୍ଶନ କରାଯାଇଛି। ଏହି ଅବସରରେ ରାହୁଲ ଗାନ୍ଧୀ ଓ ଭକ୍ତ ଚରଣ ଦାସଙ୍କ କୁଶ ପୁତ୍ତଳିକା ଦାହ ସହ କଂଗ୍ରେସ ବିରୁଦ୍ଧରେ ଜୋର ବର୍ଷିଛନ୍ତି ବିଜେପି ନେତୃବୃନ୍ଦ। କଲ୍ୟାଣ ସିଂହପୁର ବ୍ଲକ ବିଜେପି ଯୁବ ମୋର୍ଚ୍ଚାର ନିରଞ୍ଜନ ମହାନନ୍ଦିଆ, ସମେଶ୍ୱର କୌଶଲ୍ୟା, ନବୀନ କାଡ୍ରାକା, ସଂଜୁ ତିଆକା, ନକୁଳ ବେନିଆ, ସିନ୍ଧୁ କୁଲିସିକା, ଭବାନି ଲୋୟା, ସନ୍ଦୀପ ଗୁଡଲା, ରଘୁ ହିଆଲ, ଶିବପ୍ରସାଦ ପଟ୍ଟନାୟକ, ବିଜେପିର ମଣ୍ଡଳ ସଭାପତି ଅଜିତ ପାଣିଗ୍ରାହୀଙ୍କ ପ୍ରମୁଖଙ୍କ ସହ ଅନେକ ଦଳୀୟ କର୍ମୀ ଏଥିରେ ସାମିଲ ହୋଇଥିଲେ। କଂଗ୍ରେସ ଦଳର ରାଜ୍ୟ ଯୁବମୋର୍ଚ୍ଚା ସଭାପତି ଉଦିତ ପ୍ରଧାନଙ୍କ ଦ୍ୱାରା ପ୍ରାୟ ଚାରି ମାସ ତଳୁ ଘଟିଥିବା ଦୁଷ୍କର୍ମ ଅଭିଯୋଗକୁ ନେଇ ସ୍ଥାନୀୟ କାଳିସୁନ୍ଦରୀ ଛକ ଠାରୁ କଂଗ୍ରେସ ପାର୍ଟି ହାଏ ହାଏ, ରାହୁଲ ଗାନ୍ଧୀ ହାଏ ହାଏ, ଭକ୍ତ ଦାସ ହାଏ ହାଏ, ନାରାବାଜି ସହ କଲ୍ୟାଣ ସିଂହପୁର ସହର ପରିକ୍ରମା କରିଥିଲା ଏକ ଶୋଭାଯାତ୍ରା। ଶେଷରେ ସହରର ମୁଖ୍ୟ ବଜାର ଇନ୍ଦିରା ସୃତି ସଦନ ଛକରେ ରାହୁଲ ଗାନ୍ଧୀ ଓ ଭକ୍ତ ଦାସଙ୍କ କୁଶ ପୁତ୍ତଳିକା ଦାହ ସହ ଭକ୍ତ ଦାସଙ୍କ ଇସ୍ତଫା ଦାବି କରିଥିଲେ।
