ଓଡ଼ିଆ ବାର୍ତ୍ତା/ ପୁରୁଷୋତ୍ତମପୁର (ପ୍ରସନ୍ନ କୁମାର ଦାଶ): ମା ତରାତାରିଣୀଙ୍କ ଦର୍ଶନ ପାଈଁ ଆସୁଥିବା ଭକ୍ତଙ୍କ ନିମନ୍ତେ ଏକଖୁସିର ଖବର । ଭକ୍ତ ସବୁଦିନ ପାଇ ପାରିବେ ଅନ୍ନ ପ୍ରସାଦ । ଅତ୍ୟାଧୁନିକ ଜ୍ଞାନକୌଶଳରେ ନିର୍ମିତ ରୋଷେଇ ଚୁଲାର ବ୍ୟବହାର ଯୋଗେ ମାତ୍ର ତିରିଶି ମିନଟ ମଧ୍ୟରେ ୩୦୦୦ ଲୋକଙ୍କ ନିମନ୍ତେ ରୋଷେଇ ର ବ୍ୟବସ୍ତା କରାଯାଇ ପାରିଵବୋଲି ବୈଠକ ରେ ନିଷ୍ପତି ନିଆଯାଇଛି | ଏହାଦ୍ୱାରା ଏଠାକୁ ଆସୁଥିବା ହଜାର, ହଜାର ଭକ୍ତ ମାନେ ମାଆଙ୍କ ପ୍ରସାଦ ନିର୍ଦ୍ଧିଷ୍ଟ ମୂଲ୍ୟରେ ପାଈ ସନ୍ତୋଷ ଲାଭ କରି ପାରିବେ | ଏହା ସାତ ଦିନ ମଧ୍ୟରେ ଏକ ପରୀକ୍ଷା ମୂଳକ ଭାବରେ ଆରମ୍ଭ କରିବା ପାଇଁ ନିଷ୍ପତି ନିଆଯାଇଛି | ଏହି ବୈଠକରେ ଛତ୍ରପୁର ଉପ ଜ଼ିଲ୍ଲାପାଳ ସୁଭାଶିଷ ବରାଳଙ୍କ ଉପସ୍ଥିତିରେ ସ୍ଥାନୀୟ ପୁରୁଷୋତ୍ତମପୁର ବ୍ଲକ ବିଡିଓ ଶରତ ଚନ୍ଦ୍ର ପାତ୍ର, ତହସିଲଦାର ବିନୋଦ କୁମାର ବେହେରା, ବିଜ୍ଞାପିତ ଅଞ୍ଚଳ ପରିଷଦ ର କାର୍ଯ୍ୟ ନିର୍ବାହୀ ଅଧିକାରୀ ଗୋବିନ୍ଦ ଦଣ୍ଡ ସେନା ,ମନ୍ଦିର ପରିଚାଳନା ସଦସ୍ୟ ପ୍ରମୋଦ କୁମାର ପଣ୍ଡା, ବ୍ରହ୍ମପୁର ପୂର୍ତ ବିଭାଗ ର ନିର୍ବାହୀ ଯନ୍ତ୍ରୀ ସୁରେଶ କୁମାର ମିଶ୍ର, ଜ଼ିଲ୍ଲା ପର୍ଯ୍ୟଟନ ଅଧିକାରୀ ତନୁଜା ଦାସ ଏବଂ ସେବାୟତ ସଭାପତି ତପନ କୁମାର ରଣା ଓ ମନ୍ଦିର କାର୍ଯ୍ୟ ନିର୍ବାହୀ ଅଧିକାରୀ ଟି କେ ରେଡି ଏବଂ ମୁଖ୍ୟ ସେବାୟତ ବାପୁଜୀ ରଣା ସହିତ ସମସ୍ତ ଲାଇନ ବିଭାଗ ର ଅଧିକାରୀ ଓ ପୁରୁଷୋତ୍ତମପୁର ଥାନା ଅଧିକାରୀ ରାଜେଶ ନାୟକ ଓ ତାଙ୍କ ଷ୍ଟାଫ ଏବଂ ଅନ୍ୟାନ୍ୟ କର୍ମଚାରୀ ମାନେ ଉପସ୍ଥିତ ଥିଲେ | ଆଗାମୀ ବୈଠକରେ ଏହି ପ୍ରସାଦର ମୂଲ୍ୟ ନିର୍ଧାରଣ କରିବା ପାଇଁ ନିଷ୍ପତି ନିଆଯିବ ବୋଲି ମନ୍ଦିର ପରିଚାଳନା ସଦସ୍ୟ ପ୍ରମୋଦ କୁମାର ପଣ୍ଡାଙ୍କ କହିଛନ୍ତି ।