ଓଡ଼ିଆ ବାର୍ତ୍ତା/ ଜୟପାଟଣା (ଧନେଶ୍ଵର ପୁଞ୍ଜି): ୟୁଏଏସ୍ ପୋର୍ଟାଲକୁ ବିରୋଧ କରିଛି ଜୟପାଟଣା ବ୍ଲକ ପ୍ରାଥମିକ ଶିକ୍ଷକ ସଂଘ। ପ୍ରକାଶ ଥାଉ କି କଳାହାଣ୍ଡି ଜିଲ୍ଲା ପ୍ରାଥମିକ ଶିକ୍ଷକ ତରଫରୁ ମୁଖ୍ୟମନ୍ତ୍ରୀ, ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ, ଶିକ୍ଷା ସଚିବ, ଓପେପା ନିର୍ଦେଶକ ଓ ପ୍ରାଥମିକ ଶିକ୍ଷା ନିର୍ଦେଶକଙ୍କୁ ୟୁଏଏସ୍ ପ୍ରଚଳନ ପାଇଁ ଆବଶ୍ୟକୀୟ ଭିତ୍ତିଭୂମି ଯଥା ଶିକ୍ଷକ ନିଯୁକ୍ତି, ମୋବାଇଲ ଫୋନ ପ୍ରଦାନ କମ୍ପ୍ୟୁଟର ଶିକ୍ଷକ ନ ଯୋଗାଇବା ପର୍ଯ୍ୟନ୍ତ ୟୁଏଏସ୍ ପ୍ରଚଳନ ନିଷ୍ପତ୍ତିକୁ ସ୍ଥଗିତ ରଖିବା ପାଇଁ ଦାବି କରାଯାଇଥିଲା। କିନ୍ତୁ ସାମ୍ପ୍ରତିକ ପରିସ୍ଥିତିରେ ବିଦ୍ୟାଳୟରେ ଶିକ୍ଷକ ଅଭାବ ଶିଶୁ ବାଟିକା ପାଇଁ ଶ୍ରେଣୀ ଗୃହ ଅଭାବ ଅଣଶିକ୍ଷା ଦାନ କାର୍ଯ୍ୟକ୍ରମ ଶିକ୍ଷକ ମାନଙ୍କ ଉପରେ ବୋଝ ବୋଲି ଉପସ୍ଥିତ ଶିକ୍ଷକ ମାନେ ମତପ୍ରକାଶ କରିଥିବା ବେଳେ ଶିକ୍ଷକ ପଦବୀ ପୂରଣ ସହିତ ଶିକ୍ଷକ ମାନଙ୍କୁ ବୋଝ ମୁକ୍ତ କରାଇଲେ ୟୁଏଏସ୍ ତଥା ଶିଶୁ ବାଟିକା ବ୍ୟବସ୍ଥା ସାକାର ହୋଇପାରିବ ଜୟପାଟଣା ବ୍ଲକ ପ୍ରାଥମିକ ଶିକ୍ଷକ ସଂଘ ର ସଭାପତି ପ୍ରମୋଦ କୁମାର ଠାକୁର ଓ ସମ୍ପାଦକ ଲଲିତ କୁମାର ନାଏକ ପୁନର୍ବାର ସରକାରକୁ ଅନୁରୋଧ କରିଛନ୍ତି ନଚେତ ଆଗାମୀ ଦିନରେ ଶିକ୍ଷକ ଆନ୍ଦୋଳନର ରୂପ ନେବ ବୋଲି ଚେତାବନୀ ଦେଇଛନ୍ତି। ଏହି କାର୍ଯ୍ୟକ୍ରମରେ ସଞ୍ଜୟ ପଣ୍ଡା, ରମାକାନ୍ତ ମାଝୀ, ପ୍ରଫୁଲ୍ଲ ବେହେରା, ସୁରତ ରଞ୍ଜନ ପଣ୍ଡା, ସରୋଜ ମିଶ୍ର ଅଭୟ ଖମାରୀ ଚମାର ସେଠୀ, ଅରୁଣ ପଟ୍ଟନାୟକ, ମାନସ ରଂଜନ ପଣ୍ଡା, ସତ୍ୟ ନାରାୟଣ ପଣ୍ଡା ପ୍ରମୁଖ ଉପସ୍ଥିତ ରହି ଥିଲେ।
