ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): କୋକସରା ଥାନା ବେହେରା ପଞ୍ଚାୟତ ଅନ୍ତର୍ଗତ ଦଳସର୍ଗି ଗ୍ରାମରେ ଚାଷ ଜମିକୁ କେନ୍ଦ୍ର କରି ଦଳବଦ୍ଧ ଭାବେ ଗ୍ରାମବାସୀ କିଛି ଦଳିତ ମହିଳାଙ୍କୁ ପ୍ରାଣାନ୍ତକ ଆକ୍ରମଣ କରିଥିଲେ। ଏନେଇ ଥାନାରେ ଅଭିଯୋଗ ହୋଇଥିଲେ ମଧ୍ୟ ପୁଲିସ ଅଭିଯୁକ୍ତମାନଙ୍କୁ ଗିରଫ କରିବାରେ ବିଫଳ ହୋଇଛି। ତେଣୁ ପିଡ଼ିତାମାନଙ୍କୁ ନ୍ୟାୟ ପ୍ରଦାନ କରିବା ପାଇଁ ଆଗେଇ ଆସିଛି ଅଲ୍ ଓଡିଶା ସିଡ୍ୟୁଲକାଷ୍ଟ ଫେଡେରେସନ (ଏଓଏସସିଏଫ)। ଗୁରୁବାର ନୂତନ ଭାବରେ ଚୟନ ହୋଇଥିବା ଅଲ୍ ଓଡିଶା ସିଡ୍ୟୁଲକାଷ୍ଟ ଫେଡେରେସନ କଳାହାଣ୍ଡିର କର୍ମକର୍ତ୍ତାଙ୍କ ସହିତ ପିଡିତାଙ୍କ ପରିବାରବର୍ଗ ଜିଲ୍ଲା ଆରକ୍ଷୀ ଅଧିକ୍ଷକଙ୍କୁ ଏକ ଦାବି ପତ୍ର ପ୍ରଦାନ କରାଯାଇଛି। ପୀଡ଼ିତାଙ୍କ ପରିବାରଙ୍କୁ ଉଚିତ ନ୍ୟାୟ ଦେବା ସହ ଅଭିଯୁକ୍ତ ମାନଙ୍କୁ ତୁରନ୍ତ ଗିରଫ ଗିରଫ କରିବା ପାଇଁ ଫେଡେରେସନ ପକ୍ଷରୁ ଅନୁରୋଧ କରାଯାଇଛି। ଏନେଇ ଅନୁଧ୍ୟାନ କରି ଉଚିତ ପଦକ୍ଷେପ ନେବି ବୋଲି ଏସପି ଉପସ୍ଥିତ କର୍ମକର୍ତ୍ତାଙ୍କୁ କହିଛନ୍ତି। ଏସପିଙ୍କୁ ଦାବିପତ୍ର ପ୍ରଦାନ ସମୟରେ ଅଲ୍ ଓଡିଶା ସିଡ୍ୟୁଲକାଷ୍ଟ ଫେଡେରେସନ କଳାହାଣ୍ଡିର ସଭାପତି ଦିଗାମ୍ବର ଲୁହା, ସମ୍ପାଦକ ଯତୀନ୍ଦ୍ର କର, ଜିଲ୍ଲା ସମ୍ପାଦକ ଅଭିରାମ ନନ୍ଦ, ଜିଲ୍ଲା ଉପସଭାପତି ବରୁଣ ଛତ୍ରିଆ, ଶ୍ରୀକାନ୍ତ ଛତ୍ରିଆ, ଛବିଲାଲ୍ ନିଅଲ, ଦିଗାମ୍ବର ଦୁରିଆ, ଜୟପ୍ରକାଶ ଜାଲ, ଲଲିଂ କୁମାର, ଅଜୟ ଦୀପ, ଧୀରେନ୍ଦ୍ର ସୁନାନି, ଜିଲ୍ଲା ଉପସଭାପତି ଧବଳେଶ୍ୱର ନାଗ, କୌସିକ ଦୁରିଆ, ରମେଶ ଚନ୍ଦ୍ର ଦୁର୍ଗା, ନଥୁରାମ ଶଗଡ଼ିଆ, ଲୁକ୍ନନଥ ନାଗ, ପ୍ରମୁଖ ଉପସ୍ଥିତ ରହିଥିଲେ।
