କଳାହାଣ୍ଡି, ୫/୧୨:
ଆଜି ସଂଦ୍ଧ୍ୟା ପ୍ରାୟ ୬ଘଣ୍ଟା ସମୟରେ ନର୍ଲା ବ୍ଲକ ଅନ୍ତର୍ଗତ ବାଙ୍କେଲ ଆମ୍ବ ବଗିଚା ଛକରେ ଏକ ଅଟୋରିକ୍ସା ଓ ଟ୍ରାକ୍ଟର ମଧ୍ୟରେ ଧକ୍କା ହେବା ଫଳରେ ଅଟୋର ମହିଳା ଯାତ୍ରୀ ମାନେ ଆହତ ହେବାସହ ଟ୍ରାକ୍ଟର ଡ୍ରାଇଭର ଗୁରୁତର ହୋଇଛନ୍ତି । ପ୍ରାପ୍ତ ସୂଚନାରୁ ପ୍ରକାଶ ଯେ OR 08 G 9242 ନମ୍ବର ବିଶିଷ୍ଟ ଅଟୋ ନର୍ଲାରୋଡ ରୁ ପାଣିମୁଣ୍ଡାକୁ ଯାଉଥିଲା । ଏଥିରେ କିଛି ମହିଳା ଯାତ୍ରୀ ବସିଥିଲେ । ଅଟୋଟି ବାଙ୍କେଲ ଆମ୍ବ ବଗିଚା ଅତିକ୍ରମ କରୁଥିବା ବେଳେ ସେହି ଛକ ପାଖରେ ହଟାତ୍ ଏକ ଟ୍ରାକ୍ଟର ଆସି ଧକ୍କା ଦେଇଥିବା ଓଟୋ ଡ୍ରାଇଭର ପ୍ରକାଶ କରିଛନ୍ତି । କିଏ କିଛି ବୁଝିବା ପୂର୍ବରୁ ଟ୍ରାକ୍ଟର ଓଲଟି ପଡିଥିଲା । ଏଥିରେ ଟ୍ରାକ୍ଟର ଡ୍ରାଇଭର ଗୁରୁତର ହୋଇପଡିଥିବା ବେଳେ ଅଟେରେ ବସିଥିବା ମହିଳା ଯାତ୍ରୀ ମାନେ ଅାହତ ହୋଇଛନ୍ତି । ଖବର ପାଇ ନର୍ଲା ପୁଲିସ ତୁରନ୍ତ ଘଟଣା ସ୍ଥଳରେ ପହଞ୍ଚି ଆହତ ମାନଙ୍କୁ ଡାକ୍ତରଖାନା ନେବାର ବ୍ୟବସ୍ଥା କରିବା ସହ ତଦନ୍ତ ଜାରି ରଖିଛନ୍ତି ।
