କଳାହାଣ୍ଡି: ମ.ରାମପୁର ବ୍ଲକ ଅନ୍ତର୍ଗତ ମୋହନଗିରୀ ପଂଚାୟତ ତେଜିପଡ଼ା ଗ୍ରାମର ଛାତ୍ର ସୁଧାଂଶୁ ହରିଜନ ମାଟ୍ରିକ ପରୀକ୍ଷାରେ ୩୮୭ ନମ୍ବର ରଖି ପ୍ରଥମ ଶ୍ରେଣୀରେ ପାସ କରିଥିଲେ । କିନ୍ତୁ ତାଙ୍କୁ ନାମ ଲେଖାଇବାରେ ଅର୍ଥ ସାଜିଥିଲା ବାଧକ । ଏପଟେ ବାପ ଛେଉଣ୍ଡ ସୁଧାଂଶୁଙ୍କୁ ଘାରିଥିଲା ପାଠ ପଢିବାର ଚିନ୍ତା । ଏ ନେଇ ଗଣମାଧ୍ୟମରେ ଖବର ପ୍ରକାଶ ପାଇବା ପରେ ତାଙ୍କରି ମୋହନଗିରୀ କଲେଜରେ ନାମ ଲେଖାଯାଇଥିଲା କିଛି ସମାଜସେବୀଙ୍କ ସହାୟତାରେ । ଲୋକଙ୍କ ପାଖରୁ ଏହି ଛାତ୍ରଙ୍କ ସମସ୍ୟା ଜାଣିପାରି ସମାଜସେବୀ ମନୋଜ ପଟ୍ଟନାୟକ ତିନିହଜାର ଟଙ୍କା ସହାୟତା ପ୍ରଦାନ କରିଛନ୍ତି । ତାଙ୍କରି ଏହି ସହାୟତା ପରେ ପରିବାର ତରଫରୁ ଶ୍ରୀ ପଟ୍ଟନାୟକଙ୍କୁ ନିଜର କୃତଜ୍ଞତା ଜ୍ଞାପନ କରିଛନ୍ତି ।