ଓଡ଼ିଆ ବାର୍ତ୍ତା/ କଳାହାଣ୍ଡି (ସୁଶାନ୍ତ କୁମାର ଦଳେଇ): କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକ କେଗାଁ ସରସ୍ୱତୀ ଶିଶୁ ମନ୍ଦିର ପ୍ରାଙ୍ଗଣରେ ଏ/୧୯ ସିଆରପିଏଫ ପକ୍ଷରୁ ଜନ ସମ୍ପର୍କ ଶିବିର ଅନୁଷ୍ଠିତ ହୋଇଯାଇଛି । ଦ୍ୱିତୀୟ କମାଣ୍ଟାଣ୍ଟ ଅଧିକାରୀ ଡି.ଇ.କିଣ୍ଡୋଙ୍କ ଅଧ୍ୟକ୍ଷତାରେ ସହକାରୀ କମାଣ୍ଟାଣ୍ଟ ଦିପକ କୁମାର ସିଂ, ସହକାରୀ କମାଣ୍ଟାଣ୍ଟ ଗୋକୁଳ ଚନ୍ଦ୍ର ମହାନ୍ତି, କେଗାଁ ସରପଞ୍ଚ ଅମୃତା ବଚ୍ଛା, ନାଏବ ସରପଞ୍ଚ ସଂଯୁକ୍ତା ସିପକାଙ୍କ ଉପସ୍ଥିତିରେ କେଗାଁ, ସାନଚେରଗାଁ, ଚୂନଭାଟିପଡା, ବସ୍ତିପଡ଼ା ଓ ଗୁରୁଜିପଡାର ଶତାଧିକ ଗରିବ ନିହିର ଲୋକଙ୍କୁ ମାଗଣାରେ ସୋଲାର ଲାଇଟ ବଣ୍ଟନ କରାଯାଇଥିଲା । ଏହି ଅବସରରେ ଦ୍ୱିତୀୟ କମାଣ୍ଟାଣ୍ଟ ଡି.ଇ.କିଣ୍ଡୋ ଲୋକଙ୍କ ସୁରକ୍ଷା ସହିତ ସ୍ୱାସ୍ଥ୍ୟ ଓ ଶିକ୍ଷା ଉପରେ ମଧ୍ୟ ସିଆରପିଏଫର ଅଧିକାରୀମାନେ ଯତ୍ନବାନ ବୋଲି କହିଥିଲେ ।
