ସଂସଦ ପରିସରରେ ଉପରାଷ୍ଟ୍ରପତିଙ୍କ ନକଲ ପ୍ରସଙ୍ଗ
ଓଡ଼ିଆ ବାର୍ତ୍ତା/ ନୂଆଦିଲ୍ଲୀ: ତୃଣମୂଳ କଂଗ୍ରେସର ସାଂସଦ କଲ୍ୟାଣ ବାନାର୍ଜୀ ରାଜ୍ୟସଭା ଅଧ୍ୟକ୍ଷ ଜଗଦୀପ ଧନଖଡଙ୍କ ନକଲ କରିବା ଘଟଣାକୁ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ତଥା ତୃଣମୂଳ କଂଗ୍ରେସ ନେତ୍ରୀ ମମତା ବାନାର୍ଜୀ ନିନ୍ଦା କରିଛନ୍ତି। ଏହା ଅସମ୍ମାନିତ କରିବା ପାଇଁ ଉଦ୍ଦିଷ୍ଟ ନୁହେଁ ବୋଲି ସେ ସଫେଇ ଦେଇଛନ୍ତି। ଯଦି କଂଗ୍ରେସ ନେତା ରାହୁଲ ଗାନ୍ଧୀ ଏହାକୁ ନିଜ ମୋବାଇଲ୍ ଫୋନ୍ କ୍ୟାମେରାରେ ରେକର୍ଡ କରିନଥାନ୍ତେ, ତେବେ ଏ ବିଷୟରେ କେହି ଜାଣିନଥାନ୍ତେ ବୋଲି ସେ ଦୃଢ଼ୋକ୍ତି ପ୍ରକାଶ କରିଛନ୍ତି। ଏହି ପ୍ରସଙ୍ଗରେ ଟିଏମସି ସାଂସଦ କଲ୍ୟାଣ ବାନାର୍ଜୀ ଏବେ ସମାଲୋଚନାର ଶିକାର ହେଉଛନ୍ତି ପୂର୍ବରୁ ଉପରାଷ୍ଟ୍ରପତି ପଶ୍ଚିମବଙ୍ଗରେ ରାଜ୍ୟପାଳ ଥିଲେ। ଏହି ସମୟରେ ମମତା ସରକାର ସହ ତତ୍କାଳୀନ ରାଜ୍ୟପାଳ ତଥା ଏବେର ଉପରାଷ୍ଟ୍ରପତିଙ୍କ ସହ ସୃଷ୍ଟି ହୋଇଥିବା ବିବାଦର ପରିଣାମ ସ୍ବରୂପ କଲ୍ୟାଣ ବାନାର୍ଜୀ ସମାଲୋଚନା କରିବାକୁ ଯାଇ ମିମିକ୍ରି କରୁଛନ୍ତି ବୋଲି କୁହାଯାଉଛି। ତେବେ ଏହି ଟିଏମସି ଲୋକସଭା ସାଂସଦ କଲ୍ୟାଣ ବାନାର୍ଜୀ ମଧ୍ୟ ସ୍ପଷ୍ଟ କରିଛନ୍ତି ଯେ ସେ କେବେ ବି ଧନଖଡଙ୍କ ପ୍ରତି କୌଣସି କ୍ଷତି କିମ୍ବା ଅସମ୍ମାନ କରିବାର ଉଦ୍ଦେଶ୍ୟ ରାଜନୈତିକ ଦୃଷ୍ଟିଭଙ୍ଗୀରେ ନିଆଯିବା ପାଇଁ ଉଦ୍ଦିଷ୍ଟ ଥିଲା। ଏପରିକି ପ୍ରଧାନମନ୍ତ୍ରୀ ମୋଦୀ ମଧ୍ୟ ଅତୀତରେ ଏଭଳି ନକଲ କରୁଥିଲେ ବୋଲି କଲ୍ୟାଣ ବାନାର୍ଜୀ ଦର୍ଶାଇଛନ୍ତି। ଧନଖଡଙ୍କ ସହ ତାଙ୍କର ବିଭିନ୍ନ ପ୍ରସଙ୍ଗରେ ମତଭେଦ ଥାଇପାରେ ବୋଲି ସେ ଦୋହରାଇଥିଲେ, କିନ୍ତୁ ତାଙ୍କ ପ୍ରତି କୌଣସି ଅସମ୍ମାନ କରିବା ତାଙ୍କର ଉଦ୍ଦେଶ୍ୟ ନଥିଲା ବୋଲି କହିଛନ୍ତି।
