ଓଡିଆ ବାର୍ତ୍ତା/ ସୁବର୍ଣ୍ଣପୁର (ରାଜ କିଶୋର ତ୍ରିପାଠୀ): ଆଜି ସକାଳ ୧୦ ଘଣ୍ଟା ସମୟରେ ଉପ-ଜିଲ୍ଲାପାଳ ସୁବର୍ଣ୍ଣପୁରଙ୍କ କାର୍ଯ୍ୟାଳୟ ପରିସରରେ ଜିଲ୍ଲାପାଳ ଶ୍ରୀ ବିମଳେନ୍ଦୁ ରାୟଙ୍କ କରକମଳରେ ଇଭିଏମ ଓ ଭିଭିପାଟ୍ ମେସିନର ଶୁଭ ଉଦ୍ଘାଟନ ହୋଇଯାଇଛି। ଆସନ୍ତା ସାଧାରଣ ନିର୍ବାଚନରେ ଜନସାଧାରଣ ଯେପରି ବ୍ୟବସ୍ଥିତ ଓ ସଠିକ ଭାବେ ସେମାନଙ୍କ ବହୁମୂଲ୍ୟ ମତଦାନ ପ୍ରଦାନ କରିପାରିବେ ସେଥିପାଇଁ ସର୍ବ ସାଧାରଣଙ୍କ ସଚେତନତା ନିମନ୍ତେ ଉପ -ଜିଲ୍ଲାପାଳ ସୋନପୁରଙ୍କ କାର୍ଯ୍ୟାଳୟ ଠାରେ ଇଭିଏମ ଓ ଭିଭିପାଟ ମେସିନରେ ମତଦାନର ପ୍ରକ୍ରିୟା ପ୍ରଦର୍ଶନ ର ସଚେତନତା କେନ୍ଦ୍ର ର ଉଦଘାଟନ ଅନୁଷ୍ଠିତ ହୋଇଯାଇଛି। ଏଥିରେ ଜିଲ୍ଲାପାଳ ଙ୍କ ସମେତ ଉପ- ଜିଲ୍ଲାପାଳ ଡ଼. ଇପ୍ସିତା ପ୍ରିୟଦର୍ଶିନୀ ମିଶ୍ର, ତହସିଲଦାର, ସମସ୍ତ କର୍ମଚାରୀ ମହିଳା କଲେଜ୍ ଓ ବିଭିନ୍ନ କଲେଜ୍ ଛାତ୍ର ଛାତ୍ରୀ ବୁଦ୍ଧିଜିବୀ ମିଡିଆ ଉପସ୍ଥିତ ଥିଲେ।
