ଓଡ଼ିଆ ବାର୍ତ୍ତା/ କଳାହାଣ୍ଡି (ନିଲେଶ କୁମାର ନାଗ): ଲାଞ୍ଜିଗଡ଼ ବ୍ଲକ ପିଇଡବ୍ଲୁ ମିଡ଼ିଆ ଏସୋସିଏସନର ବନ୍ଧୁମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ବେନଗାଁ ଗ୍ରାମ ପଞ୍ଚାୟତ ସ୍ଥିତ ଦମାଘାଟି ଗାଁର ବିର୍ଗାପଟା ଜଳପ୍ରପାତ ଠାରେ ସଭାପତି ନିଲେଶ କୁମାର ନାଗଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ବରିଷ୍ଠ ଉପଦେଷ୍ଟା ସନ୍ତୋଷ କୁମାର ତୁଳ, ବି ତିରୁପତି ପାତ୍ର, ସାଧାରଣ ସମ୍ପାଦକ ଗୋପାଳଦାସ ମହାନନ୍ଦ, ସହ ସମ୍ପାଦକ ତୁଳସୀରାମ ପ୍ରଧାନୀ, କୋଷାଧ୍ୟକ୍ଷ ପ୍ରଭୁରଞ୍ଜନ ସାମଲ, ସଦସ୍ୟ ମଳୟ ବେନୁଆଁ, ଦେବାନନ୍ଦ ମାଝୀ, ମନୋଜ ଦୋରା, ଦିଲ୍ଲୀପ ହରିଜନ, ସାମଲଙ୍କ ସମେତ ଦୁଇ ନୂତନ ସଦସ୍ୟଙ୍କ ସମାଗମ ହୋଇଥିଲା। ପିଇଡବ୍ଲୁ ମିଡ଼ିଆ ଏସୋସିଏସନର ବନ୍ଧୁମିଳନ କାର୍ଯ୍ୟକ୍ରମ ଏକ ମନୋରମା ପରିବେଶରେ ଅନୁଷ୍ଠିତ ହୋଇଥିଲା। ଉକ୍ତ ବୈଠକରେ ଲାଞ୍ଜିଗଡ ବ୍ଲକର ବିଭିନ୍ନ ସମସ୍ୟାକୁ ଲୋକଲୋଚନକୁ ଅଣାଯିବ ଓ ଲୋକଙ୍କ ସମସ୍ୟା କେମିତି ସରକାରଙ୍କ ନିକଟରେ ପହଞ୍ଚାଇ ହେବ ସେଥି ପ୍ରତି ଧ୍ୟାନ ଦେବାପାଇଁ ସଭାପତି ଶ୍ରୀ ନାଗ ପୁଙ୍ଖନୁପୁଙ୍ଖ ଭାବେ ବୁଝାଇ ଥିଲେ। ଏଥିରେ ସମ୍ପାଦକ ଗୋପାଳଦାସ ମହାନନ୍ଦ କାର୍ଯ୍ୟକ୍ରମଟିକୁ ସୁଚାରୁରୂପେ ପରିଚାଳନା କରିଥିବାବେଲେ ଶେଷରେ ସହସମ୍ପାଦକ ତୁଳସିରାମ ପ୍ରଧାନୀ ଧନ୍ୟବାଦ ଅର୍ପଣ କରିଥିଲେ। ତେବେ ଲାଞ୍ଜିଗଡ଼ ବ୍ଲକରେ ଦୁଇଟି ସାମ୍ବାଦିକ ସଂଘ ରହିଥିବାବେଲେ ପିଇଡବ୍ଲୁ ମିଡ଼ିଆ ଏସୋସିଏସନର ବିଭିନ୍ନ ଉନ୍ନତିମୂଳକ କାର୍ଯ୍ୟକଳାପକୁ ଦେଖି ଅନେକ ସାମ୍ବାଦିକ ଆକର୍ଷିତ ହେଉଥିବାବେଳେ ଆଜି ଏହି ଅବସରରେ ପିଇଡବ୍ଲୁ ମିଡ଼ିଆ ଏସୋସିଏସନରେ ନୂତନ ସଦସ୍ୟ ଭାବେ ଦୁଇ ଯୁବ ସାମ୍ବାଦିକ ସୁଶାନ୍ତ ମାଝୀ ଓ ସାଗର ବେନାଳ ଯୋଗ ଦେଇଛନ୍ତି। ପିଇଡବ୍ଲୁ ମିଡ଼ିଆ ଏସୋସିଏସନରେ ଆଜି ନୂତନ ଭାବେ ଯୋଡ଼ିଦେଇଥିବା ଦୁଇ ସାମ୍ବାଦିକଙ୍କୁ ପୁଷ୍ପଗୁଚ୍ଛ ଓ ଉପଢ଼ୌକନ ଦେଇ ସ୍ୱାଗତ ସମ୍ବର୍ଦ୍ଧନା କରାଯାଇ ଆଗକୁ କେମିତି ନିରପେକ୍ଷ ଭାବରେ ନିଜ କାର୍ଯ୍ୟ ସୁଚାରୁରୂପେ ତୁଲାଇବେ ସେଥିପ୍ରତି ଧ୍ୟାନ ଦେବାପାଇଁ ଏସୋସିଏସନ୍ ପକ୍ଷରୁ ସୂଚନା ଦିଆ ଯାଇଥିଲା।
