ଓଡିଆ ବାର୍ତ୍ତା/ ସୁବର୍ଣ୍ଣପୁର (ରାଜ କିଶୋର ତ୍ରିପାଠୀ): ନିଜ ଘର ସୁବର୍ଣ୍ଣପୁରକୁ ଫେରିଥିବା ଭାରତୀୟ ସେନାର ବିକ୍ରମାଦିତ୍ୟ ମହାକୁଡଙ୍କୁ ଆଜି ସୋନପୁର ମହାନଦୀ ହିକୁଡି ଛକ ଠାରେ ଜିଲ୍ଲା କନେଷ୍ଟବଳ ସଂଘ, ସ୍ବଚ୍ଛ ଭାରତ ସଂଗଠନ, ରକ୍ତ ଦାତା ସଂଘ, ତଥା ସହର ର ବିଭିନ୍ନ ପ୍ରମୁଖ ସଂଗଠନ ପକ୍ଷରୁ ଭବ୍ୟ ସ୍ଵାଗତ ସମ୍ବର୍ଦ୍ଧନା କରାଯାଇଥିଲା। ଏବଂ ମହାନଦୀ ବ୍ରିଜ ହୀକୁଡି ଠାରୁ ଏକ ବାଇକ ଶୋଭାଯାତ୍ରାରେ ସହର ସାରା ପରିକ୍ରମା କରାଯାଇଥିଲା l ସହରର ସୋନପୁର କଲେଜ ଠାରେ, ଶିଶୁଆଶ୍ରମ ଠାରେ ତଥା ବିଭିନ୍ନ ସ୍ଥାନରେ ରେ ଛୁଆ ପିଲା କଲେଜ ଛାତ୍ର ଛାତ୍ରୀ ଓ ଜନସାଧାରଣ ଙ୍କ ଦ୍ଵାରା ସବୁଠି ଭବ୍ୟ ସ୍ଵାଗତ କରାଯାଇଥିଲା। ଇଷ୍ଟଦେବୀ ମା ସୁରେଶ୍ଵରୀ ଙ୍କୁ ମୁଣ୍ଡିଆ ମାରି ଶ୍ରୀ ମହାକୁଡ ଆଶୀର୍ବାଦ ଭିକ୍ଷା କରି ଜିଲ୍ଲା ବାସୀ ଙ୍କ ମଙ୍ଗଳ କାମନା କରିଥିଲେ ଓ ତାଙ୍କୁ ଭଲ ପାଉଥିବା ସମସ୍ତ ଶୁଭେଚ୍ଛୁ ଦେଶ ପ୍ରେମୀ ଓ ସହର ବାସୀଙ୍କୁ କୃତଜ୍ଞତା ଜଣାଇ ଆଗାମୀ ଯୁବ ପୀଢ଼ିଙ୍କୁ ପ୍ରେରଣା ଦେବାକୁ ଅନେକ ସେବା ଯୋଗାଇବି ବୋଲି ଭାବ ବିହ୍ବଳ ହୋଇ କହିଥିଲେ। ଓଡିଶା ପୋଲିସ୍ ସହିଦ୍ ନରସିଂହ ମହାକୁଡ ଙ୍କ ସୁପୁତ୍ର ବିକ୍ରମାଦିତ୍ୟ ଆଜି ଘରକୁ ଫେରିବା ପରେ ବିକ୍ରମ ଙ୍କ ମାଆ ଭାବ ବିହ୍ବଳ ହୋଇ କାନ୍ଦି ପକାଇଥିଲେ।
