ଟିମ ପରପଲକୁ ୧୪୩ ରନରେ ପରାସ୍ତ କଲା ଟିମ ବ୍ଲୁ
ଓଡ଼ିଆ ବାର୍ତ୍ତା/ ରାୟଗଡା (ଶିବ ନାରାୟଣ ଗୈାଡ): ଓଡିଶା କ୍ରିକେଟ ଆସୋସିୟସନ ପକ୍ଷରୁ ରାୟଗଡା ଜିଲ୍ଲା କ୍ରିକେଟ ଆସୋସିଏସନ ଦ୍ବାରା ୧୩ ଦିନିଆ ଆନ୍ତଃ ସ୍କୁଲ ଟୁର୍ଣାମେଣ୍ଟ ଆରମ୍ଭ ହୋଇଛି । ଆଜି ରବିବାର ଅନୁଷ୍ଠିତ ମ୍ୟାଚରେ ଟିମ ବ୍ଲୁ ବିଜୟ ଲାଭ କରିଛି । ଟସ ଜିତି ଟିମ ବ୍ଲୁ ୩୯.୧ ଓଭର ରେ ୨୮୯ କରିଥିଲେ । ଦଳ ପକ୍ଷରୁ ପରମି ଆଦିତ୍ୟ ସର୍ବାଧିକ ୯୮ ଟି ବଲ ଖେଳି ୭୧ ରନ କରିଥିଲେ । ସେଥି ମଧ୍ୟରେ ଆକର୍ଷଣୀୟ ୧୧ ଟି ଚୌକା ଓ ୧ଟି ଛକା ରହିଥିଲା ।ଦଳ ପକ୍ଷରୁ ରୋସନ ବାଗ ୨ୟ ସର୍ବାଧିକ ରନ କରିଥିଲେ । ୫୯ ଟି ବଲ ଖେଳି ଧୁଆଁଧାର ବ୍ୟାଟିଂ କରି ୬୮ ରନ କରିଥିଲେ । ସେଥିମଧ୍ୟରେ ୧୫ ଟି ଚୌକା ରହିଥିଲା । ୨୮୯ ରନକୁ ପିଛା କରି ମାତ୍ର ୨୫.୩ ଓଭରରେ ଟିମ ପରପଲ ମାତ୍ର ୧୪୬ ରନ କରି ଆଉଟ ହୋଇଯାଇଥିଲା ।
ରାୟଗଡ ଜିଲ୍ଲା କ୍ରିକେଟ ଆସୋସିଏସନ୍ ର ବରିଷ୍ଠ ସଦସ୍ୟ କୀର୍ତିଚନ୍ଦ୍ର ସାହୁ ମୁଖ୍ୟ ଅତିଥି ଭାବେ ଯୋଗ ଦେଇ ଆଜିର ପ୍ରତିଯୋଗିତାକୁ ଶୁଭାରମ୍ଭ କରିଥିଲେ । ରାୟଗଡା ଜିଲ୍ଲାର ୮ ଟି ସ୍କୁଲ ପ୍ରତିଯୋଗିତାରେ ଭାଗ ନେଇଛନ୍ତି । ୮ଟି ଟିମରୁ ସବୁ ଠାରୁ ଭଲ ଖେଳୁଥୁବା ୧୫ ଜଣିଆ ଖେଳାଳି ଚୟନ କରାଯିବ । ଚୟନ ହେଇଥିବା ଖେଳାଳି ମାନେ ଆଗାମୀ ଦିନରେ ହେବାକୁ ଥିବା ରାଜ୍ୟ ସ୍ତରୀୟ ପ୍ରତିଯୋଗିତା କଳାହାଣ୍ଡି କପରେ ଭାଗ ନେବେ । ଏଣୁ ରାୟଗଡା ଜିଲ୍ଲା କ୍ରିକେଟ ଆସୋସିଏସନ୍ ପକ୍ଷରୁ ପ୍ରତିଭାବାନ କ୍ରିକେଟ ଖେଳାଳି ଚୟନ ଲାଗି ପିତାମହଲ ନିକଟ କ୍ରିକେଟ ପଡିଆରେ ପ୍ରତିଯୋଗିତା ଆରମ୍ଭ କରାଯାଇଛି । ଜିଲ୍ଲା କ୍ରିକେଟ ଆସୋସିଏସନ୍ ର ସମ୍ପାଦକ ସଚିଦାନନ୍ଦ ଖାଡଙ୍ଗାଙ୍କ ସମେତ ଜିଲ୍ଲା କ୍ରିକେଟ ଆସୋସିଏସନର ଅନ୍ୟ ସଦସ୍ୟମାନେ ଉପସ୍ଥିତ ରହି ପରିଚାଳନା କରୁଛନ୍ତି । ଆଜିର ମ୍ୟାଚରେ ଆମ୍ପାୟର ଭାବେ ଗୋବିନ୍ଦ ଉଲାକା ଓ କେ ସାଇଚରଣ ଦାୟିତ୍ୱ ତୁଲାଇ ଥିବା ବେଳେ ।ମ୍ୟାଚ ରେଫେରି ଭାବେ ଦାୟିତ୍ବ ତୁଲାଇଥିଲେ ଉମା ପଟନାୟକ ଏବଂ କାଳିଆ ସାହୁ
ସ୍କୋରର ରହିଥିଲେ |
