ଓଡ଼ିଆ ବାର୍ତ୍ତା/ କଲମପୁର (ଶରତ ଚନ୍ଦ୍ର ସୁନାନୀ): କଳାହାଣ୍ଡି ଜିଲ୍ଲା କଲମପୁର ଥାନା ଅଧିନସ୍ଥ ଦେପୁର ଗ୍ରାମ ବୁଳାଣୀ ନିକଟରେ ଆଜି ସନ୍ଧ୍ୟା ସମୟରେ ଏକ ଦୃତଗାମୀ ଟ୍ରକ ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଥିବା ଜଣାପଡ଼ିଛି। ସିଜି ୦୪ ଜେଡସି-୫୦୧୩ ଟ୍ରକ କଲମପୁର ପାର୍ଶ୍ଵରୁ ଜୁନାଗଡ ଅଭିମୁଖେ ଯାଉଥିବା ବେଳେ, ଏହି ଦୁର୍ଘଟଣା ଘଟିଛି। ଗୁରୁତର ଯୁବକ ହେଲେ ଚାରୁ ଚନ୍ଦ୍ର ବାଣୁଆଙ୍କ ପୁତ୍ର ଜିଗ୍ନେଶ ବାଣୁଆ ବୋଲି ଜଣାପଡ଼ିଛି। ଜିଗ୍ନେସ ଅଳ୍ପକେ ବର୍ତ୍ତି ଯାଇଥିବା ବେଳେ, ଟ୍ରକ ଚାଲକ ବିଜୟ ଚଲାନ ଜୁନାଗଡ଼ ବ୍ଲକ ମୁଣ୍ଡ୍ରାଗୁଡା ଗ୍ରାମର ବୋଲି ଜଣାପଡିଛି। ଗୁରୁତର ବାଳକଙ୍କୁ ଜିଲ୍ଲା ମୁଖ୍ୟା ଚିକିତ୍ସାଳୟ ଭବାନୀପାଟଣା କୁ ସ୍ଥାନାନ୍ତର କରାଯାଇଛି। ସୁଚନା ଅନୁସାରେ ପୁଲିସ ଘଟଣା ସ୍ଥଳରେ ପହଞ୍ଚି ବେପରୁଆ ଗାଡ଼ି ଚାଳକକୁ କଲମପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ନେଇ ପରିକ୍ଷା କରାଇବା ସହ ଦୁର୍ଘଟଣା ସମ୍ପର୍କ ରେ ତଦନ୍ତ ଜାରି ରଖିଛନ୍ତି।
