ଓଡ଼ିଆ ବାର୍ତ୍ତା/ ନୂଆପଡ଼ା (ରାହୁଲ ବାଗ): ନୂଆପଡା ଜିଲ୍ଲା ସଦର ବ୍ଲକ କୋ୍ଦୋମେରୀ ଓ ଭାନପୁର ପଂଚାୟତରେ ଆମ ଓଡିଶା ନବୀନ ଓଡିଶାର ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି | ନୂଆପଡା ବିଡ଼ିଓ ବିପିନ ବିହାରୀ ଦୀପଙ୍କ ତତ୍ୱାବଧାନରେ ଏବଂ କୋଦୋମେରୀ ପିଇଓ ପରୀକ୍ଷିତ ମିଶ୍ରଙ୍କ ଅଧକ୍ଷତାରେ ଆୟୋଜିତ ଏହି ଉତ୍ସବରେ ମୁଖ୍ୟ ଅତିଥି ଭାବେ ଆମ ଓଡିଶା ନବୀନ ଓଡିଶା ଜିଲ୍ଲା ସଂଯୋଜକ ରାମଲାଲ ହଂସ, ନୂଆପଡା ପଂଚାୟତ ସମିତି ଅଧକ୍ଷା ତାରେଶ୍ବରୀ ସାହୁ, କୋଦୋମେରୀ ସରପଞ୍ଚ ମମତା ପୁଞ୍ଜି, ଜିଲ୍ଲା ବିଜେଡି ଉପ ସଭାପତି ଧନୀରାମ ସାହୁ, ଯୁବନେତା ଅସିତ ରାଉତ, ଅମରଚନ୍ଦ ଚନ୍ଦ୍ରକାର, କୁଲିଆବନ୍ଧା ସରପଞ୍ଚ ସନ୍ତରାମ ପାଣ୍ଡେ, କୋ୍ଦୋମେରୀ ସମିତି ବସମତି ଶବର, ପିଇଓ ପବିତ୍ର ମୋହନ ସାହୁ ପ୍ରମୁଖ ଯୋଗ ଦେଇ ମଂଚାସୀନ ଥିଲେ | ପ୍ରାତପ ମେଲୋଡି ଗ୍ରୁପ ଦ୍ୱାରା କାର୍ଯ୍ୟକ୍ରମକୁ ପରିଚାଳନା କରାଯାଇ ଥିଲା | ସମ୍ବଲପୁରୀ ଆଲବମ ନାୟିକା ଆୟୁଷି ପାଣି ମଧ୍ୟ ଉପସ୍ଥିତ ଥିଲେ | ସେହିପରି ଭାନପୁର ଠାରେ ମଧ୍ୟ ଆମ ଓଡିଶା ନବୀନ ଓଡିଶା ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି | ନୂଆପଡା ବିଡ଼ିଓ ବିପିନ ବିହାରୀ ଦୀପଙ୍କ ତତ୍ୱାବଧାନରେ ଏବଂ ପିଇଓ କାର୍ତ୍ତିକ ମାଝୀଙ୍କ ଅଧକ୍ଷତାରେ ଆୟୋଜିତ ଏହି ସଭାରେ ମୁଖ୍ୟ ଅତିଥିଭାବେ ସ୍ଥାନୀୟ ଭାନପୁର ସରପଞ୍ଚ ବିଜୟ କୁମାର ପଣ୍ଡା, ସମିତି ସଭ୍ୟ ନାରାୟଣ ବରିହା, ନାୟକ ସରପଞ୍ଚ ଶବର ପ୍ରମୁଖ ଉପସ୍ଥିତ ରହି ମଂଚାସୀନ ଥିଲେ | ଭାନପୁର ଜିଆଇଏସ ଭୋଳାନାଥ ତାଣ୍ଡି, ସମାଜସେବୀ ସଞ୍ଜୟ ପଣ୍ଡା, ଯୁବରାଜ ଚନ୍ଦ୍ରକାର ପ୍ରମୁଖ ଏହି କାର୍ଯ୍ୟକ୍ରମରେ ବିଶେଷ ଭାବେ ସହଯୋଗ କରିଥିଲେ | ଏହି କାର୍ଯ୍ୟକ୍ରମ ବିଭିନ୍ନ ଅନୁଷ୍ଠାନ ଓ ବିଦ୍ୟାଳୟର ଛାତ୍ର ଛାତ୍ରୀମାନେ ନୃତ୍ୟ ପରିବେଶଣ କରିଥିଲେ | ତେବେ ସରକାରଙ୍କ ବିଭିନ୍ନ ଲୋକାଭିମୁଖୀ ଯୋଜନା ଏବଂ ନିଜର ପଂଚାୟତରେ ହୋଇଥିବା ବିକାଶଧାର ବିଷୟରେ ଲୋକଙ୍କୁ ସଚେତନତା କରାଇବା ହିଁ ଏହି କାର୍ଯ୍ୟକ୍ରମର ମୂଳ ଉଦେଶ୍ୟ | ସାମାଜିକ ବିକାଶକୁ ଗୁରୁତ୍ୱ ଦେଉଥିବାରୁ ଲୋକଙ୍କ ସମସ୍ୟାର ସମାଧାନ ହେବା ସମ୍ପୂର୍ଣ ଭାବେ ସମ୍ଭବ ବୋଲି ଅତିଥିଗଣ ମତ ପ୍ରକାଶ କରିଥିଲେ |
