ଓଡ଼ିଆ ବାର୍ତ୍ତା/ ବଲାଙ୍ଗୀର (ପ୍ରମୋଦ ସେଲମା): ବଲାଙ୍ଗୀର ଜିଲ୍ଲା ସଇଁତଲା ଥାନା ବଡ଼ମାଳ ଫାଣ୍ଡି ଅଞ୍ଚଳରେ ଜଣେ ପୁରୁଣା ୱାରେଣ୍ଟି ଫେରାର ଥିବା ବେଳେ ପୋଲିସ ଅଭିଯୁକ୍ତଙ୍କୁ ଧରିବାରେ ସଫଳ ହୋଇଛି। ଗିରଫ ଅଭିଯୁକ୍ତ ଗୋଏଲଭାଡି ଗାଁର ରୋମାଞ୍ଚଲ ବିଶି (୩୦) ବୋଲି ଜଣାପଡିଛି। ଗତ ୨୦୨୨ ମସିହାରେ ଜଣେ ବ୍ୟକ୍ତିଙ୍କୁ ସେ ଅପହରଣ କରି ଫେରାର ମାରିଥିଲା।
ଏ ନେଇ ସଇଁତଲା ଥାନା କେସ ନଂ ୧୯୨/୨୨ ଅନୁସାରେ ଏକ ମାମଲା ରୁଜୁ ହୋଇଥିଲା। ବର୍ତ୍ତମାନ ପୋଲିସ ତାକୁ ଗିରଫ କରିଛି। ସଇଁତଲା ଆଇଆଇସି ସୁଶାନ୍ତ ପ୍ରଧାନଙ୍କ ତତ୍ତ୍ୱବଧାନରେ ବଡ଼ମାଳ ଫାଣ୍ଡି ଅଧିକାରୀ ହରେକୃଷ୍ଣ ମାଝୀ ଉକ୍ତ ମାମଲାର ତଦନ୍ତ ଚଲାଇଥିବା ଜଣାପଡିଛି।
