ଓଡ଼ିଆ ବାର୍ତ୍ତା/ କୋକସରା (ହିରଣ୍ୟ ବେହେରା): କୋକସରା ବ୍ଲକ ରେଙ୍ଗାଳପାଳି ପଞ୍ଚାୟତ ଡ଼ଙ୍ଗରୀଗୁଡା କୈବର୍ତ୍ତ ପଡାରେ କିଛି ଦିନ ହେବ ଲୋକେ ଝାଡାବାନ୍ତିରେ ଆକ୍ରାନ୍ତ ହେଉଛନ୍ତି l ଦିନକୁ ଦିନ ଆକ୍ରାନ୍ତଙ୍କ ସଂଖ୍ୟା ବଢ଼ିବାରେ ଲାଗିବାରୁ କୋକସରା ସ୍ୱାସ୍ଥ୍ୟ କେନ୍ଦ୍ର ପକ୍ଷରୁ ସ୍ଥିତି ଅନୁଧ୍ୟାନ କରି ଆକ୍ରାନ୍ତଙ୍କୁ ମେଡିକାଲ ପଠେଇ ସ୍ଥିତି ସୁଧାର ଆଣିବାରେ ଲାଗିଛନ୍ତି ସ୍ୱାସ୍ଥ୍ୟ ବିଭାଗ l
ସୂଚନା ଅନୁସାରେ ପ୍ରାୟ ଏକ ସପ୍ତାହ ହେଲା କୈବର୍ତ୍ତ ପଡ଼ାରେ ଆକ୍ରାନ୍ତ ଚିହ୍ନଟ ହୋଇଥିଲେ l ମେଡିକାଲ ପକ୍ଷରୁ ସୂଚନା ଅନୁଯାୟୀ ୬ ଜଣ ଆକ୍ରାନ୍ତ ହୋଇ ଥିବା ବେଳେ ୫ ଜଣ ସୁସ୍ଥ ହୋଇ ଘରକୁ ଫେରିଛନ୍ତି ଓ ଜଣେ ଭବାନୀପାଟଣା ମେଡିକାଲ ରେ ଚିକିତ୍ସିତ ହେଉଛନ୍ତି l ସେହିପରି ଗୋତୋମୁଣ୍ଡା ପଞ୍ଚାୟତ ଠୂଟିବରରେ ୧୨ ଜଣ ଆକ୍ରାନ୍ତ ହୋଇଥିବା ବେଳେ ଜଣେ ଭବାନୀପାଟଣା, ଜଣେ ଜୁନାଗଡ଼, ଓ ଦୁଇ ଜଣ ଧର୍ମଗଡ଼ ସ୍ୱାସ୍ଥ୍ୟ କେନ୍ଦ୍ର ରେ ଭର୍ତ୍ତି ଥିବା ବେଳେ ୮ ଜଣ ଘରେ ଚିକିତ୍ସିତ ହୋଇ ସୁସ୍ଥ ଥିବା ମେଡିକାଲ ପକ୍ଷରୁ ସୂଚନା ରହିଛି l
ସ୍ଥିତି ଅନୁଧ୍ୟାନ ପାଇଁ ଜିଲ୍ଲା ସ୍ୱାସ୍ଥ୍ୟ ଟିମର ଏପଡି ଜିଓଲୋଜିଷ୍ଟ ନିହାର ରଞ୍ଜନ ଠାକୁର, ଡିଡିଏମ ସୋମ୍ୟରଞ୍ଜନ ନାଏକ, ମେନେଜର ସୁକୁମାର ଚିନ୍ଦା, ମାଇକ୍ରୋବାଇଲୋଜିଷ୍ଟ ରାହୁଲ ମେହେର, କୋକସରା ପିଏଚ ଓ ଶର୍ମିଲା ଛତ୍ରିଆ, କୈବର୍ତ୍ତ ପଡା ଓ ଠୁଟିବର ପରିଦର୍ଶନ କରି ଆବଶ୍ୟକ ଔଷଧ ପତ୍ର ସହ ନିରାକରଣ ପାଇଁ ସଚେତନ ବାର୍ତ୍ତା ଦେଇ ପାଣି ନମୁନା ନେବା ସହ ପରୀକ୍ଷଣ ପରେ କାରଣ ଜଣା ପଡିବ ବୋଲି କହିଥିଲେ l ରେଙ୍ଗାଲପାଲି ସ୍ୱାସ୍ଥ୍ୟ କର୍ମଚାରୀ ସରୋଜ ନାଏକ ଓ ଗୋତୋମୁଣ୍ଡା ସ୍ୱାସ୍ଥ୍ୟ କର୍ମଚାରୀ କ୍ଷୀରୋଦ ବାଗ ସହ ସ୍ଥାନୀୟ ଆଶା କର୍ମୀ ମାନେ ଉପସ୍ଥିତ ଥିଲେ l
