ଓଡ଼ିଆ ବାର୍ତ୍ତା/ କଳାହାଣ୍ଡି (ନିଲେଶ କୁମାର ନାଗ): କଳାହାଣ୍ଡି ଜିଲ୍ଲା ଲାଞ୍ଜିଗଡ଼ ଥାନା ପ୍ରତାପପୁର ଗାଁରେ ଜଣେ ମହିଳା ବେକରେ ରଶି ଲଗାଇ ଆତ୍ମହତ୍ୟା କରିଥିବା ବେଳେ ତାଙ୍କ ନାମ କୁନି ହରିଜନ (୨୬) ବୋଲି ଜଣାପଡିଛି। ସୂଚନାଯୋଗ୍ୟ କୁନି ହରିଜନ ଲାଞ୍ଜିଗଡ଼ ବ୍ଲକ ପୋଖରୀବନ୍ଧ ପଞ୍ଚାୟତର ମେଲଘୁଟୁ ଗାଁର ଝିଅ। ସେ ପ୍ରତାପପୁର ଗାଁର ନରେନ୍ଦ୍ର ହରିଜନକୁ ପ୍ରେମ ବିବାହ କରିଥିଲେ। ବିବାହକୁ ୧୩ ବର୍ଷ ବିତି ଯାଇଥିବାବେଳେ ତାଙ୍କର ଦୁଇଟି ପୁଅ ଅଛନ୍ତି। ତେବେ ଆଜି ପରିବାର ଲୋକେ ଘରେ ନଥିବା ବେଳେ ଯୁବତୀ ଜଣକ ଘରେ ରଶି ଲଗାଇ ଆତ୍ମହତ୍ୟା କରିଥିବା ଘଟଣା ଅଞ୍ଚଳରେ ଚାଂଚଲ୍ୟ ସୃଷ୍ଟି କରିଛି।
ଯୁବତୀ ଜଣକ ଆତ୍ମହତ୍ୟା କରିଛନ୍ତି ନା’ କିଏ ତାଙ୍କୁ ହତ୍ୟା କରି ଆତ୍ମହତ୍ୟାର ରୂପ ଦେଇଛି ତାହା ଅସ୍ପଷ୍ଟ ରହିଛି। ଖବର ପାଇ ତାଙ୍କ ମା’ ଓ ଭାଇ ଘଟଣା ସ୍ଥଳକୁ ଆସି ତାଙ୍କ ଝିଅକୁ ମାରିଦେଇ ଥିବା ଅଭିଯୋଗ ଆଣିଛନ୍ତିl ଏପଟେ ମୃତ୍ୟୁ କୁନି ହରିଜନଙ୍କ ସ୍ୱାମୀ ନରେନ୍ଦ୍ର ହରିଜନ ୬ମାସ ତଳେ ତାମିଲନାଡୁ ଯାଇଥିବା ବେଳେ ପରିବାର ଲୋକେ ଏହି ମୃତ୍ୟୁକୁ ନେଇଁ ସନ୍ଦେହରେ ଅଛନ୍ତିl ପରିବାର ଲୋକେ କହିବା ଅନୁସାରେ ଅନେକ ସମୟରେ ସ୍ୱାମୀ ସ୍ତ୍ରୀଙ୍କ ମଧ୍ୟରେ କଥା କଟାକଟି ଚାଲିଥିଲା ପୂର୍ବରୁ ମଧ୍ୟ ଗୋଟିଏ ଥର ବିଷଖାଇ ଆତ୍ମହତ୍ୟା କରିବା ପାଇଁ ଉଦ୍ୟମ କରିଥିବା ବେଳେ ପରିବାର ଲୋକେ ଜାଣି ପାରି ଡାକ୍ତରଖାନାରେ ଭର୍ତି କରି ଚିକିତ୍ସା କରିଥିଲେ। ସେଠାରୁ ସେ ସୁସ୍ଥ ହୋଇ ଘରକୁ ଫେରି ଥିଲେ। ହେଲେ ଆଜି ବେକରେ ରଶି ଦେଇ ଆତ୍ମହତ୍ୟା କରିଛିନା କିଏ ହତ୍ୟା କରି ଆତ୍ମହତ୍ୟାର ରୂପ ଦେଇଛି ତାହା ଅସ୍ପଷ୍ଟ ରହିଛି।
ଏହାକୁ ନେଇ ମହିଳାଙ୍କ ବାପା ଲାଞ୍ଜିଗଡ଼ ଥାନାରେ ଲିଖିତ ଅଭିଯୋଗ ପରେ ଲାଞ୍ଜିଗଡ଼ ପୁଲିସ ଶବ ଜବତ କରି ଏକ ମାମଲା ରୁଜୁ କରି ତଦନ୍ତ ଜାରି ରଖିଛି। ଆଜି ସନ୍ଧ୍ୟା ହୋଇ ଯିବାରୁ ଶବ ବ୍ୟବଚ୍ଛେଦ ହୋଇ ପାରିନାହିଁ।ଆସନ୍ତା କାଲି ଶବ ବ୍ୟବଚ୍ଛେଦ ପରେ ସତ୍ୟାସତ୍ୟ ସାମ୍ନାକୁ ଆସିବ ବୋଲି ଲାଞ୍ଜିଗଡ଼ ପୋଲିସ ପକ୍ଷରୁ ସୂଚନା ମିଳିଛି।
