ଓଡିଆ ବାର୍ତ୍ତା/ ସୁବର୍ଣ୍ଣପୁର (ରାଜ କିଶୋର ତ୍ରିପାଠୀ): ସୋନପୁର ସହରର ମହାନଦୀ ବ୍ରିଜ ଛକ ପାଖରେ କୌଣସି ଏକ ଅଜଣା ଗାଡି ଧକ୍କାରେ ଏକ ବାରହାର ମୃତ୍ୟୁ ହୋଇଛି। ରାତି ପ୍ରାୟ ୧୦ ଟା ବେଳେ ଖବର ପାଇବା ପରେ ସ୍ଥାନୀୟ ଅଞ୍ଚଳର ସ୍ବେଚ୍ଛାସେବୀ ଶିବ ଶଙ୍କର ନାଏକ ଘଟଣା ସ୍ଥଳରେ ପହଞ୍ଚି ତୁରନ୍ତ ବନ ବିଭାଗକୁ ଜଣାଇଥିଲେ। ବନବିଭାଗ ଅଧିକାରୀ ତୁରନ୍ତ ଘଟଣା ସ୍ଥଳରେ ପହଞ୍ଚି ବାରହାକୁ ଉଦ୍ଧାର କରିଥିଲେ। ଏବଂ ଏକ ୟୁଡି କେସ ଦାୟର କରିବା ସହ ସନ୍ଧାନ ଚଳାଇ ଥିବା ବେଳେ ଆଜି ତାର ପୋର୍ଷ୍ଟମୋଟମ୍ କରାଯିବା ନେଇ ସ୍ଥାନୀୟ ଫରେଷ୍ଟର ଭକ୍ତବନ୍ଧୁ ମିଶ୍ରଙ୍କ ଠାରୁ ସୂଚନା ମିଳିଛି। ପରେ ନିୟମ ଅନୁଯାୟୀ ତାର ସବ ସତ୍କାର କରାଯିବ। ବର୍ତ୍ତମାନ ବନ ବିଭାଗର କଡା ପଦକ୍ଷେପ ପାଇଁ ଜନ୍ତୁ ଶିକାର କମିବା ସହ ସ୍ଥାନୀୟ ଜଙ୍ଗଲରେ ଆସ୍ତେ ଆସ୍ତେ ବାରହା ସହ ବିଭିନ୍ନ ପଶୁପକ୍ଷୀ ବଂଶ ବୃଦ୍ଧି ପାଉଥିବା ଜଣାପଡ଼ିଛି।
