ଓଡ଼ିଆ ବାର୍ତ୍ତା/ ବଲାଙ୍ଗିର (ମୁନା ଗୌଡ଼): ବଲାଙ୍ଗିର ଜିଲ୍ଲା ତୁଷୁରା ଥାନା ଅନ୍ତର୍ଗତ ମାଧିଆପାଲି ବ୍ରିଜ ଉପରେ ସଡ଼କ ଦୁର୍ଘଟଣା। ଦୁଇ ବାଇକ୍ ମୁହାଁମୁହିଁ ଧକ୍କା ଫଳରେ ୨ ଜଣଙ୍କର ମୃତ୍ୟୁ ଘଟିଥିବା ବେଳେ ୨ ଗୁରୁତର ଆହତ ହୋଇଛନ୍ତି।ମୃତ୍ୟୁ ବ୍ୟକ୍ତି ଜଣକ ହେଲେ ଅର୍ଜୁନପୁରର ବସନ୍ତ ସାହୁ ଓ ଅନ୍ୟ ଜଣେ ହେଲେ ତୁଷୁରା ମାଧିଆପାଲିର ଭାସ୍କର ବାଗ। ଆହତ ଦ୍ବୟ ହେଲ ଅର୍ଜୁନପୁରର ସତ୍ୟବାଦୀ ସହୁ ଓ ରୋହିତ ସାହୁ। ଆହତ ଦ୍ୱୟଙ୍କୁ ବଲାଙ୍ଗିର ଭିମଭୋଇ ମେଡିକାଲ ରେ ଭର୍ତ୍ତି କରାଯାଥିଲା। ସତ୍ୟବାଦୀଙ୍କ ସ୍ବାସ୍ଥ୍ୟାବସ୍ଥା ଗୁରୁତର ହେବାରୁ ତାଙ୍କୁ ବୁର୍ଲା ଡ଼ାକ୍ତରଖାନାକୁ ସ୍ଥାନାନ୍ତର କରାଯାଇଛି। ଦିନ ପ୍ରାୟ ୯ ଟା ସମୟରେ ବସନ୍ତ, ସତ୍ୟବାଦୀ ଓ ରୋହିତ ବାଇକ୍ ଯୋଗେ କୌଣସି କାମରେ ତୁଷୁରା ଯାଉଥିଲେ। ଏହି ସମୟରେ ବୀପରିତ ଦିଗରୁ ବାଇକ୍ ଧରି ଭାସ୍କର ଆସୁଥିଲେ ତାଙ୍କ ସହ ସେମାନଙ୍କ ଗାଡ଼ିର ଧକ୍କା ହୋଇଥିଲା। ଘଟଣାସ୍ଥଳରେ ବସନ୍ତଙ୍କର ମୃତ୍ୟୁ ଘଟିଥିବା ବେଳେ ୩ ଜଣ ଗୁରୁତର ଆହତ ହୋଇଥିଲେ। ଆହାତ ମାନଙ୍କୁ ବଲାଙ୍ଗିର ଭିମାଭୋଇ ମେଡ଼ିକାଲ ରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ଭାସ୍କର ବାଗଙ୍କୁ ମୃତ ଘୋଷଣା କରିଥିବା ବେଳେ ୨ଜଣଙ୍କ ଅବସ୍ଥା ଗୁରୁତର ରହିଥିଲା। ପୁଲିସ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି ଓ ଘଟଣାର ତଦନ୍ତ କରୁଛି। ଅର୍ଜୁନପୁର ଓ ମଧିଆପାଲି ଗ୍ରାମରେ ଶୋକାକୁଳ ପରିବେଶ ଦେଖିବାକୁ ମିଳିଛି।
