ଲାଞ୍ଜିଗଡ,୧୧/୩ : କଳାହାଣ୍ଡି ଜିଲ୍ଲା ଲାଞ୍ଜିଗଡ ବ୍ଲକ ମାଲିଜୁବାଙ୍ଗ ପଞ୍ଚାୟତର ବଣ୍ଡାକୁଟରୁ ଛକରେ ଦେଖିବାକୁ ମିଳିଛି ମାଓ ପୋଷ୍ଟର । ୪ଚକିଆ ଓ ୨ଚକିଆ ଯାନ ପାଇଁ ଆରଟିଓ ଅଫିସରେ ସକାଳ ୧୦ଟାରୁ ରାତି ୯ଟା ପର୍ଯ୍ୟନ୍ତ ଅପେକ୍ଷା କରିବାକୁ ପଡୁଛି । ତେଣୁ ଭାରତ ସରକାର ପ୍ରତ୍ୟେକ ପଞ୍ଚାୟତକୁ ଏହି ଦାଇତ୍ବ ପ୍ରଦାନ କରନ୍ତୁ ବୋଲି ପୋଷ୍ଟରରେ ଉଲ୍ଲେଖ ରହିଛି ।
ଏହା ସହ ରାସ୍ତା ନିର୍ମାଣରେ ନିୟୋଜିତ ଶ୍ରମିକମାନେ ଉଚିତ ପ୍ରାପ୍ୟ ପାଉନଥିବାରୁ ଠିକାଦାର ଦଲାଲ ମାନଙ୍କୁ ଚେତାବନୀ ଦେଇଛି ମାଓ ସଂଘଠନ। ଏହା ସହ ଠିକାଦାର ମାନେ ଏଠାରୁ ଫେରିଯିବାକୁ ଉଲ୍ଲେଖ ରହିଛି ।
ରାସ୍ତା ନିର୍ମାଣ ନାମରେ ସାଧାରଣ ଲୋକଙ୍କ ଜମିର ଗଛ କଟା ଯାଉଛି, ଏହାକୁ ବିରୋଧକରି ପୋଷ୍ଟର ଜାରି କରିଛି ଲାଲ୍ ବାହିନୀ । ପୋଷ୍ଟରରେ ସିପିଆଇ ମାଓବାଦୀ କଳାହାଣ୍ଡି ଓ ରାୟଗଡା ଏରିଆ କମିଟି ନାମୋଲ୍ଲେଖ ରହିଛି ।