କଳାହାଣ୍ଡି/ଲାଞ୍ଜିଗଡ: କଳାହାଣ୍ଡି ଜିଲ୍ଲାରେ ବିଭିନ୍ନ ପର୍ଯ୍ୟଟନସ୍ଥଳ ଥିବାବେଳେ ସମ୍ମନ୍ୱୟର ଅଭାବ ଯୋଗୁଁ ଜିଲ୍ଲାର ଲାଞ୍ଜିଗଡ ବ୍ଲକ ଲାଞ୍ଜି ଗ୍ରାମପଞ୍ଚାୟତରେ ଥିବା ଗଦଗଦା ଜଳପ୍ରପାତର ବିକାଶ ହୋଇପାରୁନାହିଁ । ଏହାକୁ ନେଇ ପ୍ରକୃତିପ୍ରେମୀ ଓ ପର୍ଯ୍ୟଟକ ମହଲରେ ନୈରାଶ୍ୟ ଦେଖାଦେଇଥିବାବେଳେ ଆଜି ଏହି ଜଳପ୍ରପାତର ବିକାଶ ପାଇଁ ଲାଞ୍ଜିଗଡ ବ୍ଲକର ପୂର୍ବତନ ଉପାଧ୍ୟକ୍ଷ ଜଗଦୀଶ ବେନିଆଁ ପାଦ ବଢାଇଛନ୍ତି । ତାଙ୍କ ନେତୃତ୍ୱରେ ଏକ ପ୍ରତିନିଧି ଦଳ ଆଜି ଦକ୍ଷୀଣ ବନଖଣ୍ଡ ଅଧିକାରୀ ଟି. ସୁରେଶ କୁମାରଙ୍କୁ ସାକ୍ଷାତ କରି ଏକ ଦାବିପତ୍ର ପ୍ରଦାନ କରିଛନ୍ତି । ତାଙ୍କ ସହିତ ଲାଞ୍ଜି ସରପଞ୍ଚ ବିଷ୍ଣୁଚରଣ ଭୋଇ ସାମିଲ ଥିବାବେଳେ ବନବିଭାଗ ପକ୍ଷରୁ ଏଥିପ୍ରତି ଅନୁକୂଳ ପଦକ୍ଷେପ ନେବାକୁ ସେମାନେ ଦାବି ଜଣାଇଛନ୍ତି ।